Minlərlə türk Köln şəhərində “demokratiya mitinqi” keçiriblər - FOTO
Avropanın müxtəlif ölkələrində yaşayan türklər "Zərbəyə qarşı demokratiya mitinqi" şüarı ilə Almaniyanın Köln şəhərində bir araya gəliblər.
1news.az “Anadolu” agentliyinə istinadla xəbər verir ki, mitinq İstiqlal Marşı və Alman Milli Himninin oxunması ilə başlayıb.
Tədbirdə Türkiyədə dövlət çevrilişinə cəhd zamanı şəhid olanlarla yanaşı, Paris və Münhendəki hadisələrdə də həyatını itirənlərin xatirəsi sükutla yad edilib.
Mitinqdə Türkiyə Böyük Millət Məclisinin bəyannaməsi oxunacaq, təxminən 100 dərnəyin dəstək verdiyi “Zərbəyə qarşı demokratiya mitinqi”ndə alman və türkcə birgə bəyanat təqdim ediləcək.
Hər təbəqədən çox sayda dərnək və qeyri-hökumət təşkilatından nümayəndələrin iştirak etdiyi mitinqdə Türkiyə, Almaniya və Avropa İttifaqının bayraqları dalğalanıb.
1news.az
