İrəvandakı etirazçılar: Siz ruslar – böyük fırıldaqçılarsınız, damarlarınızda monqol-tatar qanı axır... – VİDEO

İrəvanda post-patrul alayını ələ keçirmiş silahlı qrupa dəstək məqsədilə keçirilən etiraz aksiyası zamanı vətəndaşlar rusiyalı jurnalistə narazılıqlarını bildiriblər:

“Rusiya Dağlıq Qarabağı bizə vermək istəmir. Türkiyə ilə münasibətləri qaydasına salaraq, çox güman ki, Ermənistanda baş verənləri işıqlandırır”.

“Bilirsiniz ki, ruslar bir neçə nəfəri Krıma aparaq deyib ki, Krım – bizimdir. Artıq 25 ildir ki, gərginik ki, silahlarınızı sata biləsiniz. Ümumiyyətlə siz ruslar başda Putin olmaqla böyük fırıldaqçılarsınız”, - İrəvan sakini bildirib.

Ermənilər rusaları alçaq adlandıraraq qeyd edirlər ki, türklər və rusların qanı eynidir:

“Siz ruslar – böyük fırıldaqçılarsınız, damarlarınızda monqol-tatar qanı axır, siz türksünüz. Sizin 24 aprel çələnginiz (24 aprel qondarma “erməni soyqırımı” günüdür – red.) bizə lazım deyil. Siz uzun əsrlərdir ki, həqiqəti söyləmirsiniz. 1915-ci il sizin günahınızdır”.

Digər sakin isə deyib: “Bütün bəlalarımız sizin ucbatınızdandır”.

Qocaman erməni isə Türkiyə-Rusiya münasibətlərinin yaxşılaşmasından gileylənib:

“Düşünürsünüz ki, Türkiyə ilə münasibətlərinizi uzun müddətliyinə yaxşılaşdıracaqsınız? Bir müddət sonra onlar sizi aldadacaq. Axə onlar türklərdir”. 

Xatırladaq ki, İrəvan və Ermənistanın digər şəhərlərində post-patrul xidməti alayını ələ keçirən silahlı qrupa dəstək məqsədilə etiraz aksiyaları keçirilib. İki həftə sürən qarşıdurmadan sonra silahlı dəstə hökumətə təslim oldu.

İyulun 17-də bir qrup silahlı şəxs post-patrul xidməti polkunun binasını ələ keçirərək oradakı insanları girov götürüb. Hücum nəticəsində 1 polis öldürülüb, 6 nəfər, o cümlədən 5 polis əməkdaşı yaralanıb.

Binanı ələ keçirən silahlılar Prezident Serj Sarkisyanın istefasını və “Yeni Ermənistan” radikal müxalif İctimai Xilas Cəbhəsinin lideri Jirayr Sefilyanın azad olunmasını tələb edir. Hökumətlə danışıqlardan sonra iyulun 23-də qruplaşma üzvləri əllərində olan son girovları azadlığa buraxıb.

İki həftə ərzində “Sasna çrer” qrupu yeddi polis əməkdaşını, eləcə də təcili yardım xidmətinin 4 tibb işçisini girov götürmüşdü. İki tibb içsini iyulun 31-də azad olunmuşdu.

Mövzu ilə əlaqədar oxuyun:

İrəvanda silahlı dəstənin üzvləri hökumətə təslim olub – VİDEO

İrəvanda silahlı qrupun rəhbəri həbs edilib

İrəvanda silahlı müqavimətin yeni mərkəzlərini yaratmaqla hədələyirlər - FOTO

İrəvanda keçirilən mitinqdə Ermənistan prezidentinin istefası tələb edilir

İrəvanda kütləvi iğtişaşlar: 16 nəfər həbs olunub, 50 nəfər yaralanıb

1news.az