Elmar Məmmədyarov qeyri-rəsmi görüşlər keçirəcək

Xarici işlər naziri Elmar Məmmədyarov Avropa İttifaqı üzv dövlətlərinin Şərq Tərəfdaşlığı ölkələri ilə qeyri-rəsmi görüşündə iştirak edəcək.

XİN-in mətbuat xidmətindən 1news.az-a verilən məlumata görə, E.Məmmədyarov 1 sentyabr 2016-cı ildə Almaniyanın Potsdam şəhərində keçiriləcək ATƏT üzv dövlətlərinin xarici işlər nazirlərinin qeyri-rəsmi toplantısında, 3 sentyabr 2016-cı ildə isə Slovakiyanın paytaxtı Bratislava şəhərində keçiriləcək Avropa İttifaqı üzv dövlətlərinin Şərq Tərəfdaşlığı ölkələri ilə qeyri-rəsmi görüşündə iştirak edəcək.

Elmar Məmmədyarovun hər iki tədbirdə çıxışı və bir sıra ikitərəfli görüşləri nəzərdə tutulub.

1news.az