“Əziz Əliyev. Biblioqrafiya” kitabının və elektron məlumat bazasının təqdimatı olub - FOTO | 1news.az | Xəbərlər
Cəmiyyət

“Əziz Əliyev. Biblioqrafiya” kitabının və elektron məlumat bazasının təqdimatı olub - FOTO

16:34 - 20 / 06 / 2017
“Əziz Əliyev. Biblioqrafiya” kitabının və elektron məlumat bazasının təqdimatı olub - FOTO

İyunun 20-də M.F.Axundzadə adına Azərbaycan Milli Kitabxanasında görkəmli dövlət və elm xadimi, tibb elmləri doktoru, professor Əziz Əliyevin anadan olmasının 120 illik yubileyi münasibətilə “Əziz Əliyev. Biblioqrafiya” kitabının və “Əziz Əliyev” elektron məlumat bazasının təqdimat mərasimi keçirilib.

1news.az-ın AZƏRTAC-a istinadla verdiyi xəbərə görə, Milli Kitabxananın direktoru, professor Kərim Tahirov Prezident İlham Əliyevin müvafiq Sərəncamına əsasən görkəmli dövlət və elm xadimi Əziz Əliyevin 120 illik yubileyinin dövlət səviyyəsində qeyd edilməsindən danışıb. K.Tahirov görkəmli alimin vətən və xalq qarşısında misilsiz xidmətlərindən söhbət açaraq onun böyük təşkilatçı, dövlət xadimi olduğunu qeyd edib.

Kitabxananın direktoru bildirib ki, təqdimatı keçirilən biblioqrafiya Azərbaycanda səhiyyə sisteminə layiqli töhfələr vermiş Əziz Əliyevin yubileyi ilə əlaqədar Milli Kitabxana tərəfindən “Azərbaycanın görkəmli şəxsiyyətləri” seriyasından tərtib edilib. Buraya Əziz Əliyevin həyatını, elmi və ictimai fəaliyyətini əks etdirən ədəbiyyat toplanıb.

Sonra Əziz Əliyev haqqında sənədli film nümayiş olunub.

Mədəniyyət və turizm naziri Əbülfəs Qarayev Milli Kitabxana tərəfindən görkəmli şəxsiyyətlər haqqında biblioqrafik göstəricilərin hazırlanmasını yüksək qiymətləndirib. Nazir Azərbaycan xalqının tarixində silinməz iz qoymuş Əziz Əliyevin dövlət idarəçiliyinin təkmilləşdirilməsində səmərəli fəaliyyətindən danışıb. Respublikada səhiyyə sisteminin və tibb təhsilinin formalaşdırılmasında onun xüsusi xidmətləri olduğunu qeyd edib.

Əbülfəs Qarayev Azərbaycan və Dağıstan xalqları arasında dostluq və qardaşlıq əlaqələrinin daha da möhkəmləndirilməsində Əziz Əliyevin böyük rolu olduğunu vurğulayıb. Nazir, Əziz Əliyev nəslinin davamçılarının mədəniyyətə, incəsənətə bağlı insanlar olduğunu bildirərək bu ənənənin indi də davam etdiyini deyib.

Əziz Əliyev adına Azərbaycan Dövlət Həkimləri Təkmilləşdirmə İnstitutunun rektoru, professor Nazim Qasımov görkəmli alimin səhiyyə elminə, tibb təhsilinə töhfələrindən danışıb.

Tədbirdə çıxış edən Milli Məclisin deputatları Nizami Cəfərov və Aydın Mirzəzadə, Bakı Dövlət Universitetinin biblioqrafiya kafedrasının müdiri Nadir İsmayılov, publisist-politoloq Reyhan Mirzəzadə görkəmli alimin nümunəvi həyat yolundan söz açıb, ömrünü tibb elminin inkişafına həsr edən Əziz Əliyevin Azərbaycanda səhiyyə işinin təşkilinə xüsusi diqqət yetirdiyindən, onun bu sahədəki əvəzsiz xidmətlərindən danışıblar.

Çıxış edənlər biblioqrafiyada Əziz Əliyevin həyat və yaradıcılığına geniş yer verildiyini vurğulayaraq, nəşri yüksək qiymətləndiriblər.

Qeyd edək ki, biblioqrafiyada görkəmli alimin əsərləri, həyat və yaradıcılığına dair 1933-cü ildən 2017-ci ilədək geniş bir dövrü əhatə edən ədəbiyyat öz əksini tapıb. Biblioqrafik göstərici Azərbaycan və rus dillərində tərtib edilib, materiallar bölmələr daxilində xronoloji prinsiplə, daxildə isə əlifba sırasına uyğun olaraq qruplaşdırılıb.

Tədbirdə “Əziz Əliyev” elektron məlumat bazası təqdim edilib. Qonaqlar, həmçinin “Əziz Əliyev–120” kitab sərgisi ilə tanış olublar.

S.Xankişiyeva

Paylaş:
937

Son xəbərlər

Prezident və birinci xanım Zəngilanda “Ağalı” hotelinin açılışında iştirak ediblərBu gün, 14:16Rəşad Nəbiyev Şəkidə vətəndaşları qəbul edibBu gün, 14:09İlham Əliyev Cəbrayıl rayonunun Böyük Mərcanlı, Karxulu və Sarıcallı kəndlərinin təməllərini qoyubBu gün, 13:43Prezident Cəbrayıl rayonunun Maşanlı kəndinin təməlini qoyubBu gün, 13:41Bakıda usta işlədiyi evlərdən oğurluq etdiyi üçün saxlanılıbBu gün, 13:25Kamaləddin Qafarov: “Azərbaycan-Belarus münasibətləri yüksək dinamika ilə inkişaf edəcək”Bu gün, 13:10AMEA-nın loqosu dəyişdi - FOTOBu gün, 13:02Bazar günü hava necə olacaq? - PROQNOZBu gün, 12:55Azad edilmiş ərazilərdə 37583 hektar ərazi mina və partlamamış döyüş sursatlarından təmizlənib - VİDEOBu gün, 12:31DİN: Bakı və Sumqayıtda itkin düşən 7 nəfər tapılıbBu gün, 12:20Son bir həftədə azad edilən ərazilərdə 1 pulemyot, 56 avtomat və xeyli sayda silah-sursat aşkarlanıbBu gün, 12:06Hərbi Hava Qüvvələrinin komandanı vəzifəsi general-mayor Namiq İslamzadəyə həvalə edilibBu gün, 11:52Azərbaycan və Belarus prezidentləri Şuşada Bülbülün ev-muzeyində olublarBu gün, 11:42Prezidentlərə Şuşanın Baş planı barədə məlumat verilib - YENİLƏNİBBu gün, 11:36Azərbaycan və Belarus prezidentləri Şuşada işğal dövründə gülləbaran edilmiş heykəllərə baxıblar - YENİLƏNİBBu gün, 11:32Azərbaycan neftinin qiyməti 85 dollara yaxınlaşırBu gün, 11:24DİM sədri: İki yeni universitetin açılması qəbul ballarına təsir edəcəkBu gün, 11:17Azərbaycanda azad sahibkarlığın inkişafı - görülən işlər hədəfinə çata bilirmi? - ŞƏRHBu gün, 11:00Müdafiə nazirinin müavinləri hərbi vəzifəlilərlə görüşüblər, tapşırıqlar verilibBu gün, 10:56Oğuzda quldurluq edən şəxs saxlanılıbBu gün, 10:46
Bütün xəbərlər