Çində partlayış baş verib: 2 nəfər ölüb, 30-dan çox insan yaralanıb – FOTO

Çinin Cıcian vilayətinin Ninbo şəhərində bu gün səhər saatlarında baş verən güclü partlayışda 2 nəfər ölüb, 30-dan çox adam yaralanıb.

1news.az-ın RİA Novosti-yə istinadla verdiyi xəbərə görə, yerli vaxtla səhər 9:00 radələrində şəhərin əsasən kiçik müəssisələrin yerləşdiyi məhəlləsindəki sexlərdən birində baş verən partlayış nəticəsində dağıntı qeydə alınıb.

Yaxınlıqdakı binalara və avtomobillərə müəyyən qədər zərər dəyib. Hələlik partlayışın səbəbi məlum deyil.

Yaralananların hamısı xəstəxanalara yerləşdiriliblər. Onlardan ikisinin vəziyyəti ağırdır. Hüquq-mühafizə orqanlarının əməkdaşları araşdırma aparırlar.

S.Xankişiyeva