Qarsda qəzada yaralanan azərbaycanlıların vəziyyəti necədir? - FOTO - YENİLƏNİB
"İçərisində azərbaycanlıların olduğu avtobusun Qarsda qəzaya uğraması nəticəsində ölən və ağır xəsarət alan yoxdur”.
1news.az xəbər verir ki, bu barədə Azərbaycanın Qarsdakı baş konsulu Nuru Quliyev deyib.
O bildirib ki, avtobus İstanbuldan İğdır istiqamətində hərəkət edib: “Hadisə nəticəsində 30-a yaxın şəxs yaralanıb. Onlardan sürücü Türkiyə, qalanları Azərbaycan vətəndaşıdır. Xəsarətlər yüngüldür, qol və qabırğa sınığı kimi xəsarətlərdir. Xəsarət alanlar Sarıqamış və Qars xəstəxanalarına yerləşdiriliblər”.
1news.az
12:09
İstanbuldan Azərbaycana hərəkət edən sərnişin avtobusu Karakurt-Kağızman yolunda aşıb.
1news.az Türkiyə mətbuatına istinadla xəbər verir ki, hadisəyə səbəb sürücünün idarəetməni itirməsi olub.
Hadisə nəticəsində əksəriyyəti Naxçıvandan olan 30-dan çox insan yaralanıb. Onlar Qars və Sarikamışdakı xəstəxanalara aparılıb.
Yaralılardan bəzilərinə təcili tibbi yardım xidməti yerində yardım göstərib.
P.Sultanova
