Azərbaycanda 3 alpinist yoxa çıxıb - FOTO
"Gilavar" klubunun üzvü olan 3 alpinist yoxa çıxıb.
1news.az xəbər verir ki, bu barədə klubun yaydığı məlumatda deyilir. Alpinistlər Şahyaylaq - Mahmuddərə marşrutu üzrə hərəkət edərkən klubla əlaqə kəsilib.
Dövlət Sərhəd Xidməti, Fövqəladə Hallar Nazirliyi, Ekologiya və Təbii Sərvətlər Nazirliyi və FAİREX üzvlərindən ibarət təcrübəli komanda tərəfindən axtarışlar başlayıb.
Məlumatda o da vurğulanıb ki, yoxa çıxan alpinistlər Babur Hüseynov, Namin Bünyatov və Fəridə Cəbrayılzadədir. Onlar ötən həftənin şənbə günü dağa çıxıblar və marşrut üzrə 1-ci gün geri qayıtmalı imişlər. Lakin onlarla əlaqə kəsilib. Hazırda axtarışlar Quba rayonu ərazisində yerləşən dağlarda aparılır.
Klubun digər üzvləri və rəhbərliyi də axtarışlara cəlb olunub.
1news.az
