Rozanın imtina etdiyi maşının aqibəti məlum oldu

Xalq artisti Murad Dadaşov sonuncu "Maşın” şoudakı avtomobilin aqibətindən danışıb.

1news.az-ın Axşam.az-a istinadən verdiyi xəbərə görə, şoumen maşının hələ də heç kimə verilmədiyini söyləyib:

"Maşın hələ də qalıb, saxlamışıq. İnsanların verdiyi səs boşa getməyib. Roza maşından imtina etdi, biz nə edə bilərik? Rozanı da başa düşürəm. Onun üzərində o qədər göz, nəzər, söz-söhbət var ki... 

İlk dəfə deyirəm ki, avtomobili tamaşaçıya verəcəyik. Bir formada yarış keçirəcəyik, verəcəyik tamaşaçıya”.

M.Dadaşov "Maşın”ın növbəti buraxılışına hazırlaşdıqlarını da söyləyib.

Qeyd edək ki, müğənni Roza Zərgərli avtomobili qazansa da, ondan imtina etmişdi. Roza maşının xeyriyyə məqsədilə istifadə edilməsini istəmişdi.

1news.az