Azərbaycan ordusu Paşinyanın “selfi” çəkdirdiyi raket kompleksini məhv edib - FOTO
![Azərbaycan ordusu Paşinyanın “selfi” çəkdirdiyi raket kompleksini məhv edib - FOTO](/images/2020/10/13/20201013115849236/pashinyan_131020_21.jpg?2021-02-17+09%3A23%3A32)
Ermənistan ötən ilin dekabrında Rusiyadan sifariş verdiyi “Tor-M2KM” zenit-raket kompleksi bu gün Azərbaycan ordusu tərəfindən məhv edilib.
1news.az-ın Trend-ə istinadən məlumatına görə, ötən ilin dekabrında Ermənistanın “Tor-M2KM” zenit-raket kompleksini alması ilə bağlı məlumatı Nikol Paşinyan özü sosial media hesablarından bildirmişdi. Paşinyan hərbi avadanlığın önündə selfi çəkidirərək paylaşmışdı.
Paşinyan Ermənistanın “Tor-M2KM” ZRK-nin Hindistandan sonra ikinci istifadəçisi olduğunu da bildirmişdi.
Müdafiə Nazirliyindən Trend-ə verilən məlumata görə, Azərbaycan Ordusu tərəfindən həyata keçirilən fəaliyyətlər nəticəsində cəbhənin müxtəlif istiqamətlərində düşmənin canlı qüvvəsi və hərbi texnikası məhv edilib. Bunlardan biri də “Tor-M2KM” raket kompleksidir.
Bundan əlavə dünən humanitar atəşkəs rejiminə əməl etməyən Ermənistan silahlı qüvvələrinin 3 ədəd BM-21 “Qrad” YARS, 1 ədəd ZSU-23-4 “Şilka” özüyeriyən zenit qurğusu, 2 ədəd PDM-2, 3 ədəd 2А36 “Qiasint-B” topu, 1 ədəd KS-19 zenit topu, 1 ədəd D-20 haubitsa topu, 3 ədəd PUA, bir neçə avtomobil texnikası məhv edilib və sıradan çıxarılıb.
![](https://1news.az/images/2020/10/13/20201013115849236/pashinyan_131020_2.jpg)
![](https://1news.az/images/2020/10/13/20201013115849236/pashinyan_131020_3.jpg)
![](https://1news.az/images/2020/10/13/20201013115849236/pashinyan_131020_1.jpg)
1news.az