Şuşaya çəkilən yeni yolun layihəsində dəyişiklik edilib

Şuşaya çəkilən yeni yolun layihəsində dəyişikliklər edilir.

1news.az xəbər verir ki, bunu Azərbaycan Avtomobil Yolları Dövlət Agentliyinin Baş idarə rəisinin müavini Hidayət Rüstəmov deyib.

O bildirib ki, yolun layihələndirilməsində dəyişiklik relyefdən asılıdır: "Yolun ümumi uzunluğu 100 kilometrə yaxın olacaq. Yeni yol Topxana meşələrinin ətəyindən keçməklə Daşaltı kəndinə, oradan isə Şuşa şəhərinə çəkiləcək. Yolun relyefi çətindir, dağlıq və meşəlik ərazidən keçir. Ərazi çətin relyef olsa da, ordada körpülər inşa olunmaqla yolun tikintisi davam etdiriləcək. Vaxt qısa olduğundan yolun layihələndirilməsi ilə tikintisi paralel aparılır. Yol hazır olandan sonra ümumi uzunluğu məlum olacaq. Yolun tikintisinin başa çatdırılmasına bir il yarım vaxt qoyulsa da, çalışacağıq yolu daha tez istifadəyə verək. Yolun tikintisinə bir neçə podratçı təşkilat, o cümlədən Türkiyənin dağ şəraitində yol çəkən 2 şirkəti cəlb edilib".

1news.az