Siqaret və tütün əleyhinə mübarizə - “Çıxışa doğru”da MÜZAKİRƏ – VİDEO
Dünyada bir milyarddan çox insan siqaret aludəçisidir. Yaşı 15-dən çox olan adamların təqribən 21 faizi (1,1 milyard nəfər) siqaret çəkir. Kişilərin 35 faizi və qadınların təqribən 6 faizi siqaretə qurşanıb.
Bununla bərabər, siqaret çəkmək dəbdən düşür. Bütün ölkələrdə, bütün yaş qrupları üzrə və gəlirlərdən asılı olaraq getdikcə daha az siqaret çəkirlər. Amma əhalinin artması səbəbindən siqaret çəkənlərin sayı azalmır. Yüksək gəlirli ölkələrdə yetkinlik yaşına çatmayanların siqaret almaq imkanları səmərəli satış qaydaları ilə məhdudlaşdırılıb. Yoxsul ölkələrdə də belə məhdudiyyətlər tətbiq edilir, amma bu məhdudiyyətlər effektiv olmur.
1news.az-ın məlumatına görə, AzTV-nin “Çıxışa doğru” verilişində “Siqaret və tütün əleyhinə mübarizə” mövzusunda aparılan müzakirələr zamanı bu barədə ətraflı danışılıb. Verilişin qonaqları – "Azad İstehlakçılar" ictimai birliyinin sədri Eyyub Hüseynov, Xəzər Universitetinin müəllimi və klinik psixoloq Nilufər Əlizadə, sosial məsələlər üzrə ekspert İlqar Hüseynli və tibb üzrə fəlsəfə doktoru Gülzar Əliyeva mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
S.Xankişiyeva