İmtahanın nəticələrindən narazı qalanların NƏZƏRİNƏ

Dövlət İmtahan Mərkəzi (DİM) tərəfindən dövlət qulluğunda inzibati rəhbər (A növü) vəzifələrə aid olan vəzifə qrupları üzrə bu gün keçirilmiş test imtahanlarının nəticələri ilə bağlı müraciətlərə Apellyasiya Komissiyasında baxılacaq.

Bu barədə 1news.az-a DİM-dən bildirilib. Komissiya mayın 17-19-da saat 14:00-dan 17:00-dək Dövlət İmtahan Mərkəzinin Bakı şəhəri, Nəsimi rayonu, Ə.Salamzadə, 28 (keçmiş Bakı Asiya Universitetinin binası) ünvanında yerləşən binasında fəaliyyət göstərəcək.

Xatırladaq ki, inzibati vəzifələrin müvafiq altqrupu üzrə sertifikatı olan şəxs burada nəzərdə tutulmuş vəzifə, habelə həmin altqrupun aid olduğu qrup daxilində daha aşağı altqruplara uyğun vəzifə üzrə keçirilən müsahibələrdə iştirak edə bilər. Müsahibədə iştirak üçün müraciət edən namizəd qanunvericiliklə müəyyən edilmiş vakant vəzifələrin tutulmasının ümumi şərtlərinin tələblərinə cavab verməlidir. Əks halda o, müsahibədə iştirak edə bilməz.