Xırdalanda vaqon yanıb – YENİLƏNİB
Abşeron rayonu, Xırdalan şəhərində ümumi sahəsi 32 kv.m olan dəmir konstruksiyadan ibarət vaqonun içərisinə yığılan əşyalar yanıb.
Fövqəladə Hallar Nazirliyindən (FHN) 1news.az-a verilən xəbərə görə, yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.
10:39
Xırdalanda partlayış səsləri eşidilib.
Bu barədə sosial şəbəkələrdə istifadəçilər məlumat paylaşıblar. Paylaşımlarda güclü partlayış səsinin eşidildiyi bildirilir.
Fövqəladə Hallar Nazirliyinin (FHN) Mətbuat xidmətindən isə 1news.az-a bildirilib ki, FHN-in "112" qaynar telefon xəttinə Abşeron rayonu, Xirdalan şəhərində vaqon tipli tikilidə yanğın olması barədə məlumat daxil olub. FHN-nin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunub.
Əlavə məlumat veriləcək.