Bakıda 6-cı yol təhlükəsizliyi həftəsi - “Çıxışa doğru”da MÜZAKİRƏ – FOTO – VİDEO
Mayın 17-23-də Birləşmiş Millətlər Təşkilatının (BMT) 6-cı yol təhlükəsizliyi həftəsi keçirilir. Tədbir çərçivəsində Bakının mobilliyi, əlçatanlığı və təhlükəsizliyi ilə bağlı fəaliyyətlər həyata keçiriləcək və sakinlər maarifləndiriləcək.
Məqsəd şəxsi nəqliyyat vasitələrindən maksimum az istifadə edilməsini təşviq etməkdir. Yol infrastrukturunda layihələndirmə işləri bunun bir hissəsidir. Şəhərin mobilliyinin inkişafı, piyada zonalarının genişləndirilməsi və alternativ nəqliyyat növlərinin inkişafı ilə piyadalar üçün daha rahat, təhlükəsiz səyahət imkanlarının yaradılması tədbirin əsas strateji hədəfidir. Bu istiqamətdə 2030-cu ilə qədər Bakının mobilliyinin inkişaf strategiyası layihəsi hazırlanıb...
1news.az-ın verdiyi xəbərə görə, AzTV-nin “Çıxışa doğru” verilişində “Bakıda 6-cı yol təhlükəsizliyi həftəsi” mövzusunda aparılan müzakirələr zamanı bu barədə ətraflı danışılıb. Verilişin qonaqları – Bakı şəhər Dövlət Yol Polisi İdarəsinin baş inspektoru, polis mayoru Araz Əsgərli, Bakı Nəqliyyat Agentliyinin mətbuat xidmətinin rəhbəri Mais Ağayev, Azərbaycan Velosiped İdman Federasiyasının mətbuat katibi Pərviz Musayev və bloger Ağa Mehdiyev mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz: