Məktəbəqədər təhsil müəssisələrində rəhbərlə işçi arasında nünasibətlər necə tənzimlənməlidir? - “Çıxışa doğru”da MÜZAKİRƏ – VİDEO
Məktəbəqədər təhsil təhsilin ilk pilləsi olmaqla uşaqların erkən yaş dövründən intellektual, fiziki və psixi inkişafını, sadə əmək vərdişlərinə yiyələnməsini, istedad və qabiliyyətinin üzə çıxarılmasını, sağlamlığının qorunmasını, estetik tərbiyəsini, təbiətə və insanlara həssas münasibətinin formalaşmasını təmin edir.
Məktəbəqədər təhsil müəssisələri həcminə görə kiçik olsa da, funksiyasına görə ciddi və məsuliyyətli bir vəzifənin yerinə yetirilməsi ilə məşğul olur. Onun fəaliyyəti dövlətin, eyni zamanda valideynlərin diqqət mərkəzində dayanır. Bunun üçün fəaliyyətlərin istiqamətlərini aşkarlıq şəraitində müəyyənləşdirmək, bu məqsədlə faydalı arzu və təkliflərin nəzərə alınması zəruri hesab edilir. İlk növbədə, maraqlı olan tərəflərin fikirləri əsas götürülür. Eləcə də bağçaların iqtisadi və digər problemlərinin həllində şəffaflığın nəzərə alınması vacib hesab edilir.
1news.az-ın verdiyi xəbərə görə, AzTV-nin “Çıxışa doğru” verilişində “Məktəbəqədər təhsil müəssisələrində rəhbərlə işçi arasında nünasibətlər necə tənzimlənməlidir?” mövzusunda aparılan müzakirələr zamanı bu barədə ətraflı danışılıb. Verilişin qonaqları – “Bağçam” Uşaq Bağçaları Şəbəkəsinin İnsan Resursları Departamentinin Direktoru Sevda Babanlı, sosioloq, jurnalist Lalə Mehralı, ADPU-nun Məktəbəqədər təhsilin pedaqogikası kafedrasının dosenti Pərişan Həsənova və psixoterapevt Elmir Əkbər mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz: