Tələbə kreditləri öz hesabına təhsil alanları da əhatə edəcək - Nazir
"Azərbaycanda tələbə kreditləri dövlət hesabına təhsil alanlarla yanaşı öz hesabına da təhsil alanları əhatə edəcək".
1news.az xəbər verir ki, bunu Təhsil naziri Emin Əmrullayev deyib:
"İnandığımız ondan ibarətdir ki, bu, Azərbaycan təhsilinin inkişafına səbəb olacaq. Gözləntimiz bundan ibarətdir ki, artıq növbəti təhsil ilindən tələbə krediti ilə çox tələbəni əhatə edə biləcəyik. Hələki fərmandan irəli gələn məsələlər qaydalar çərçivəsində həyata keçiriləcək. Bununla bağlı ətraflı məlumat veriləcək.
Təhsil kreditləri iki varianda olacaq. Kreditlər zamanı tələbənin nəticələri də nəzərə alınacaq. Bununla da rəqabətlilik formalaşacaq. Əgər tələbə kredit alıbsa və imtahan nəticələri də yaxşıdırsa, həmin tələbəyə güzəşt olacaq. Bu güzəşt faizlərin aşağı salınması şəklində də ola bilər, başqa formada da".
Nazir bildirib ki, kələbə öz təhsilini bitirəndən sonra 20 il müddətdə kreditini qaytara biləcək.:
"Kreditlər təhsil müəssisəsinə veriləcək. Bu kreditlər tələbənin seçimidir, məcburi verilməyəcək. Tələbənin öz istəyi ilə istənilən miqdarı verilə bilər".
