“Sevinirəm ki, pandemiya belə bir ənənəni zorən yaratdı” – Murad Arif
“İllərlə apardığım məclislərin əksəriyyəti zatən bu formatda keçirdi”
Bu barədə toyların keçirilməsi ilə bağlı 1news.az-a danışan müğənni-bəstəkar Murad Arif deyib.
“15 illik məclis təcrübəmdən öyrəndiyim odur ki, ən gözəli budur. 100-150 nəfər qonaq, kiçik heyyət ansambl, 1 yaxşı oxuyan, 1 aparıcı, 1-2 ulduz müğənni, saat 00:00-da hər kəs evinə. Məclis sahibi ən doğmalara dəvətnamə çatdırır, hər kəsə diqqət ayıra bilir, masalar azaldıqca mətbəx kontrolu, təamların ləzzətini diqqətdə saxlayır. Baş şişmir. Hamı hər kəsi tanıyır, hamı rahat və sərbəstdir. Ən səmimi məclislər, az qonaqlı məclislərdir”.
“Məclisin daha xudmanı olması, tədbiri daha rahat və daha səmimi edir” – deyə, M.Arif sözlərinə əlavə edib:
“Sevinirəm ki, pandemiya belə bir ənənəni zorən yaratdı. Ev yiyəsinə də rahat olur, məclis bazar-vağzala dönmür, toya yalnız yaxınlar, yalnız doğmalar dəvət alır. Ən əsası, israfı da kontrolda saxlamaq olur. Biri var 70 masanı idarə edəsən, biri də var 10-15 masaya diqqət ayırasan. Gözəl tətbiqdir. Mən bu qərarı alqışlayıram”.
Qeyd edək ki, Nazirlər Kabinetinin müvafiq qərara etdiyi dəyişikliyə əsasən, 1 iyul tarixindən müəyyən şərtlərlə Azərbaycanda şənlik mərasimlərinin (toy, nişan, ad günləri və s.) keçirilməsinə icazə verilir.
Həmçinin oxu: İyulun 1-dən toy və nişanlara icazə verildi - ŞƏRTLƏR
Feliks Vishnevetsky
