Gömrük Komitəsi orduya qeyri-ərzaq məhsulları, dərman preparatları və tibbi ləvazimatlar verib

Dövlət Gömrük Komitəsi tərəfindən Müdafiə Nazirliyinə xeyli miqdarda qeyri-ərzaq məhsulları, dərman preparatları və tibbi ləvazimatlar təhvil verilib.

Komitənin Mətbuat və İctimaiyyətlə Əlaqələr İdarəsindən 1news.az-a bildirilib ki, müvafiq məhkəmə qərarları ilə dövlət nəfinə müsadirə olunan və dövlət xeyrinə imtina olunan, Azərbaycan Respublikası Nazirlər Kabinetinin Qərarı ilə təsdiq edilmiş qaydalara əsasən xeyli miqdarda qeyri-ərzaq məhsulları, habelə 16 min 533 ədəd dərman preparatı və tibbi ləvazimatlar gömrük orqanlarının vəzifəli şəxsləri tərəfindən Azərbaycan Respublikası Müdafiə Nazirliyinin səlahiyyətli şəxslərinə təhvil verilib.