“Zibil qutusuna atılan uşaqların taleyi” – “Çıxışa doğru”da MÜZAKİRƏ
Mütəxxəssislər hesab edir ki, atılan uşaqların əksəriyyəti nikahdankənar, gizli ailə münasibətləri nəticəsində doğulanlardır.
Bu valideynlər ictimai qınaqdan, biabır olmaqdan qorxaraq, doğma uşaqlarını taleyin ümidinə buraxmağa məcbur olurlar. Ən yaxşı halda uşaq evlərində böyüyəcək uşaqların gələcəyi də sual altında qalır. Bəzi mütəxxəsislər də hesab edir ki, dövlət himayəsində böyüyən uşaqların cəmiyyətə adaptasiya olunması üçün hökumətin ciddi konsepsiyası lazımdır.
1News-un məlumatına görə, AzTV-nin “Çıxışa doğru” verilişində “Zibil qutusuna atılan uşaqların taleyi” mövzusunda aparılan müzakirələr zamanı bu barədə ətraflı danışılıb. Verilişin qonaqları – Klinik psixoloq, ailə psixoloqu Gülşən Rüstəmova, hüquqşünas Zaur Quliyev, yazar Oğuz Ayvaz və psixoterapevt Elmir Əkbər mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz: