Autizmli uşağın anası: Uşağım problemlidir, lazım olanda döyürük – FOTO – VİDEO | 1news.az | Xəbərlər
Cəmiyyət

Autizmli uşağın anası: Uşağım problemlidir, lazım olanda döyürük – FOTO – VİDEO

S.Xankişiyeva11:39 - 03 / 08 / 2021
Autizmli uşağın anası: Uşağım problemlidir, lazım olanda döyürük – FOTO – VİDEO

NANNY.AZ agentliyinin “Instagram”dakı səhifəsi autizm spektr pozuntulu uşağın anasının səs yazısını yayıb. Təəssüf ki, səs yazısında ana daha əvvəl deyilənləri təsdiq edib.

Xatırladaq ki, daha əvvəl agentliyin nümayəndələri uşağın anasının onlarla əlaqə saxlayaraq dayənin uşağı döyməsi barədə xəbərdar olduqlarını bildirib. Səbəb isə sadə və dəhşətlidir: uşaq autizm sindromundan əziyyət çəkir. Ən dəhşətlisi isə uşağın anasının dayədən razı olduqlarını və uşaqla bu cür rəftarın onları qane etməsini deməsidir.

Səs yazısından da göründüyü kimi ana uşağının problemli olduğunu və bu səbəbdən həm özünün, həm də dayənin lazım bildikdə uşağı döyməyə haqqı olduğunu bildirir.

Düzü, bunu şərh etmək çox ağrılıdır. Autizm spektr pozuntulu uşaqlar problemi kifayət qədər kəskin məsələdir. Bu hadisə bir daha sübut edir ki, bu cür problemli uşaqların yeganə tərbiyə üsulunu fiziki zorakılıqda görən valideynlər var. Öz uşağına qarşı empatiyanın olmamasından isə ümumiyyətlə danışmağa dəyməz.

Xatırladaq ki, Ailə, Qadın və Uşaq Problemləri üzrə Dövlət Komitəsi hadisə barədə məlumatlandırılıb. Bu dəhşətli hadisə ilə bağlı araşdırmanın gedişatını izləməkdə davam edəcəyik.

02 avqust 20:20

Bakının küçələrinin birində dəhşətli hadisə baş verib. Uşağı taxta ilə döyən dayə hadisənin şahidi olan və müdaxilə edən qıza da hücum edib.

Qız dayənin aqressiv davranışını kameraya çəkə bilib. Daha sonra o həmin videonu “Instagram”da paylaşaraq, baş vermiş hadisə ilə bağlı öz izləyicilərini məlumatlandırıb:

“Bu dayə körpəni küçədə döyürdü, körpə isə qışqırırdı! Paylaşın, qoy uşağın valideynləri bu barədə xəbər tutsun! Ona yaxınlaşanda məni də uşağı döydüyü həmin taxta ilə vurmağa başladı. Sonra onu videoya çəkməyə başladım! Uşaq ondan mənə qaçmaq istəyirdi, amma qadın qışqırdı. Üzeyir Hacıbəyov küçəsində, “Medi Club”ın yanında yerləşən “Karloff” mağazasının bütün əməkdaşları hadisənin şahidləridir”.

Video sosial şəbəkələrdə geniş yayılıb. Ona həvalə edilmiş uşağa əzab verən dayə haqqında məlumatın valideynlərə çatması üçün çoxlu sayda insan videonu öz səhifələrində paylaşıb. Lakin sonradan məlum olub ki, videoda ağlayan uşağın anası hər şey barədə xəbərdar imiş və hətta uşaqla bu cür davranılmasına özü icazə veribmiş.

Belə ki, İlahə Xəlilova paylaşımın altında belə bir şərh yazıb: “Uşağın anası mənəm. Kim icazə verib sizə mənim uşağımın videosunu ictimailəşdirəsiniz? Siz uşaqla bağlı məlumatlı olmadığınız halda videonu hansı haqqla paylaşırsınız?”

Daha əvvəl videonu paylaşmış NANNY.AZ agentliyi də öz növbəsində, məsələyə aydınlıq gətirib: “Videonu silmək məcburiyyətində qaldıq, belə ki, uşağın anası bizimlə əlaqə saxlayaraq, baş verənlər barədə məlumatlı olduğunu bildirdi. Uşaq autizm sindromundan əziyyət çəkir və sözə qulaq asmadığına görə dayə onu döyür. Eyni zamanda, valideyn bildirdi ki, dayədən razıdır və bu cür davranış onu qane edir. Hazırda valideynin səs yazısı bizdə var, lakin müəyyən səbəblərdən onu paylaşa bilmirik”.

Bu hadisənin təfərrüatları sosial şəbəkə istifadəçilərinin tənqidinə səbəb olub. Çoxları belə bir insanın polisə verilməli və valideynlik hüququndan məhrum edilməli olduğunu bildiriblər.

Bundan başqa, Ailə, Qadın və Uşaq Problemləri üzrə Dövlət Komitəsinin hadisə barədə məlumatlandırıldığı və araşdırma aparacağı qeyd olunub.

“1news.az” saytı məsələ ilə bağlı şərh almaq üçün dövlət komitəsinə müraciət edib. Hadisənin gedişatı barədə oxucularımızı məlumatlandıracağıq.

Paylaş:
2911

Son xəbərlər

Dolların sabaha olan rəsmi məzənnəsi açıqlanıbBu gün, 18:01Bakı əhalisinin sayı açıqlanıbBu gün, 17:57“Sarsılmaz qardaşlıq-2021” təlimində iştirak edəcək türkiyəli hərbçilər Azərbaycana gəlib – FOTOBu gün, 17:52Ət kəsimi məntəqələri hansı tələblərə cavab verməlidir? - AÇIQLAMABu gün, 17:36Arvadını sosial şəbəkədən istifadə etdiyi üçün öldürən şəxsə hökm oxunubBu gün, 17:29Allahşükür Paşazadə iranlı din xadiminə cavab verdiBu gün, 17:14XİN-in sabiq idarə müdirinin məhkəməsində şahidlər ifadə veribBu gün, 16:54Prezident İlham Əliyev BMT Baş Assambleyasının 76-cı sessiyasında videomüraciət formatında çıxış edəcəkBu gün, 16:53Baş Prokurorluq partiya sədrinə xəbərdarlıq etdiBu gün, 16:23Türkiyə Müdafiə Nazirliyindən qırıcılarımızla bağlı paylaşım - VİDEOBu gün, 16:21“Azərbaycan Beynəlxalq Bankı” İnvestisiya Holdinqinin idarəetməsinə verilibBu gün, 16:18“Təmiz Şəhər” ASC-nin Müşahidə Şurasının tərkibi təsdiqləndi - SƏRƏNCAMBu gün, 16:16“Azər-Türk Bank” Azərbaycan İnvestisiya Holdinqinin idarəetməsinə verildiBu gün, 16:08Prezident İlham Əliyev Səudiyyə Ərəbistanının Kralını təbrik edibBu gün, 15:50Şuşadakı strateji obyektlərin elektrik və istilik təminatına dair müzakirələr aparılıbBu gün, 15:39Prezident İlham Əliyevin Qarabağla bağlı müəyyənləşdirdiyi yol xəritəsi uğurla icra edilirBu gün, 15:37Yasamalda piyadanın ölümü ilə nəticələnən yol-nəqliyyat hadisəsi baş veribBu gün, 15:02AZAL-ın Pilotların Hazırlığı Mərkəzində yeni uçuş trenajoru quraşdırılıb – FOTO – VİDEOBu gün, 14:40Qazax sakininin minaya düşməsi ilə bağlı cinayət işi açıldıBu gün, 14:37DİN-dən saxta COVID-19 pasportu alanlara XƏBƏRDARLIQBu gün, 14:35
Bütün xəbərlər

Next TV