Məktəbəhazırlıq qruplarına qəbulun tarixi açıqlandı
![Məktəbəhazırlıq qruplarına qəbulun tarixi açıqlandı](/images/2021/08/07/20210807035408391/thumb.jpg?2021-08-07+16%3A02%3A11)
10 avqust tarixindən 2021-2022-ci tədris ili üzrə dövlət ümumi təhsil müəssisələrinin məktəbəhazırlıq qruplarına uşaqların qəbuluna start veriləcək.
Təhsil Nazirliyindən 1news.az-a verilən məlumata görə, ümumi təhsil müəssisələrinin məktəbəhazırlıq qruplarına qəbul prosesi www.mektebeqebul.edu.az elektron portalı vasitəsilə aparılacaq.
Məktəbəhazırlıq qruplarına uşaqların qəbulu üçün valideynlərin (digər qanuni nümayəndələrin) ərizələrinin onlayn qeydiyyatına avqustun 10-u saat 11:00-da, məktəb seçimi prosesinə isə avqustun 12-si saat 11:00-da başlanılacaq.
Dövlət ümumi təhsil müəssisələrinin məktəbəhazırlıq qruplarına uşaqların qəbulu ilə bağlı elektron qeydiyyat prosesi 14 sentyabr 2021-ci il saat 18:00-da başa çatacaq.
2021-2022-ci tədris ili üzrə məktəbəhazırlığa qəbulla bağlı daha ətraflı aşağıdakı sual-cavab faylından məlumat əldə edə bilərsiniz.