Rusiyanın fövqəladə hallar naziri təlimdə həlak olub
Rusiyanın fövqəladə hallar naziri, ordu generalı Yevgeni Ziniçev həlak olub.
1news.az-ın APA-ya istinadən verdiyi xəbərə görə, bu barədə Rusiya Fövqəladə Hallar Nazirliyi məlumat yayıb.
Məlumatda bildirilir ki, Y. Ziniçev xidməti vəzifəsinin icrası zamanı ölüb.
“Yevgeni Ziniçev Norilskdə keçirilən qurumlararası təlimlərdə bir nəfərin həyatını xilas edərkən faciəli şəkildə həlak olub”, - deyə Rusiya FHN-in məlumatında qeyd olunur.
Məlumata görə, Yevgeni Ziniçyev təlim zamanı uçurumun kənarından sürüşən çəkiliş qrupunun əməkdaşını xilas etməyə cəhd edərkən özü də yıxılaraq həlak olub. Çəkiliş qrupunun əməkdaşını da xilas etmək mümkün olmayıb.
Y. Ziniçev 1966-cı ildə Leninqradda (indiki Sankt-Peterburq) doğulub. 2018-ci ildə Rusiyanın fövqəladə hallar naziri təyin olunub.
Rusiya Federasiyası Təhlükəsizlik Şurasının üzvü idi.
1news.az
