“Azərxalça”dan Azərbaycan xalçalarının tanıdılması ilə bağlı YENİLİK - FOTO
“Azərxalça” ASC Azərbaycan xalçalarının daha geniş miqyasda tanınması üçün yeni sistemin tətbiqinə başlayır.
1news.az xəbər verir ki, bu barədə “Azərxalça” ASC-nin mətbuat katibi Xatuna Abdullayeva məlumat verib.
X.Abdullayeva qeyd edib ki, edib ki, toxunan xalçaların hər birinin arxasında xüsusi QR kodlar yerləşdiriləcək.
“İndiyədək xaricə satılan Azərbaycan xalçaları, onların toxunma prosesi, materialları barədə dolğun məlumatlar olmurdu. Xalçaların üzərinə yerləşdirilən QR kodlara telefonun kamerasını yaxınlaşdırmaqla xalça haqqında məlumatları öyrənmək olar. Burada xalçanın adı, növü, istifadə edilən materiallar, ölçüsü, inventar, tarixi, toxunma yeri, fotoları qeyd olunub”.
““Azərxalça”nın xalçaları haqqında reyestrdəki məlumatlar məhdudiyyətsizdir” – deyə, mətbuat katibi sözlərinə əlavə edib:
“Bütün xalçaların özünün sertifikatı və sənədi olur. QR kod isə bu məlumatların istənilən yerdə əlçatan olması üçün daha əlverişli sistemdir”.
