“Azərişıq” rəsmisi: Qarabağdan elektrik enerjisinə qoşulmaq üçün 20 müraciət icra edilib
"Ötən ilin müvafiq dövrü ilə müqayisədə 2021-ci ilin 9 ayında sahibkarların elektrik enerjisinə qoşulması ilə bağlı onlayn müraciətlərin sayında 50 faiz artım olub" .
1news.az xəbər verir ki, "Azərişıq" ASC-nin "ASAN Xidmət"lə iş və Elektron İdarəetmə Departamentinin direktor müavini İsa İsazadə deyib.
"Çox sevindiricidir ki, Bu müraciətlərin içərisində Qarabağımızdan, Şuşamızdan da müraciət var. Bu vaxta qədər Qarabağdan, Şuşadan 20-yə yaxın sahibkardan elektrik enerjisi təchizatı üçün müraciət daxil olub. Onların 12-si Şuşa şəhərinin, qalanı isə digər şəhər və rayonların payına düşür. Bu müraciətlər əsasən iri market şəbəkələri, yanacaqdoldurma məntəqələri və s. müəssisələrin sahibləridir. Bizə bu şansı yaradan Ali Baş Komandan və ordumuza təşəkkür edirik”.
İ.İsazadə qeyd edib ki, ümumilikdə hər ay ölkə ərazisində sahibkarlardan daxil olan təxminən 70-80 onlayn müraciəti icra edilir.
