“Şuşa Zülmətdən İşığa” - “Azərişıq” filmi hazırladı - VİDEO
“Azərişıq” ASC-nin Şuşa şəhərini ilkin mərhələdə elektrik enerjisi ilə təchiz etməsi ilə bağlı görülən işləri özündə əks etdirən “Şuşa zülmətdən işığa” adlı yeni film hazırlanıb.
1news.az xəbər verir ki, müzəffər Ali Baş Komandan, Prezident İlham Əliyevin göstəriş və tapşırıqlarına uyğun olaraq cəmi 37 gün ərzində Şuşa şəhəri elektrik enerjisi ilə təchiz edilib.
Filmdə 2020-ci ilin sentyabrın 27-də əks-hücum əməliyyatı ilə başlayan və 44 gün sonra Azərbaycan ordusunun qələbəsi ilə yekunlaşan Vətən müharibəsi dövründə qrumun fəaliyyəti, mina təhlükəsi, çətin relyef, qarlı qış günlər və s. bu kimi ağır şəraitə baxmayaraq cəhsur əməkdaşların ən ağır şəraitdə fəaliyyətindən bəhs edilir.
“Şuşa zülmətdən işığa” filmində danışan “Azərişıq” əməkdaşları yolsuzluq və qarlı-çovğunlu hava şəraitində onların qarşılarına qoyulmuş vəzifənin öhdəsindən necə gəlmələri ilə bağlı danışıblar.
