Hibrid mühərrikli avtomobillər ƏDV-dən azad olunacaq

Azərbaycana gətirilən hibrid mühərrikli avtomobilləri Əlavə Dəyər Vergisindən (ƏDV) azad edilir.

1news.az-ın "Report"a istinadən məlumatına görə, bununla bağlı Vergi Məcəlləsinə dəyişiklik təklif olunur.

Dəyişikliklərə əsasən, istehsal tarixi 3 ildən və mühərrikinin həcmi 2 500 kubsantimetrdən çox olmayan hibrid avtomobillərin Azərbaycana idxalı və satışı - 2022-ci il yanvarın 1-dən 3 il müddətinə vergi ödəməkdən azad ediləcək.

Qeyd edək ki, Azərbaycanda ƏDV-nin dərəcəsi 18 % təşkil edir.