Pərviz Şahbazov: “Azərbaycan iqlim dəyişiklikləri üzrə bütün qlobal layihələri dəstəkləyir”
“Bu forum qlobal problemlərin müzakirəsi və həlli üçün platformaya çevrilib”.
1news.az xəbər verir ki, bunu energetika naziri Pərviz Şahbazov “COVID-19-dan sonrakı dünya” mövzusunda VIII Qlobal Bakı Forumunda “İqlim dəyişikliyinə qarşı mübarizə və qlobal enerji ehtiyaclarını qarşılamaq: hər ikisini necə edə bilərik?” mövzusunda paneldə çıxışı zamanı deyib.
Nazir bildirib ki, Azərbaycan iqlim dəyişiklikləri üzrə bütün qlobal tələbləri dəstəkləyir, eləcə də öz həll yollarını təklif edir
“Bu gün Qlobal iqlim dəyişkənliyi ilə bağlı məsələ ütün dünya ölkələrinin gündəliyinə daxildir. Bu məsələ ilə bağlı bir neçə gün əvvəl Qlazqoda geniş mükazilər aparılıb”.
Nazir qeyd edib ki, Avropada enerji ilə bağlı məsələ müsbət inkişaf etmir:
"Bu problemin həllində Avropa ölkələrinə yardım etməliyik. Bundan başqa, hansısa problemin həllində bir sektora diqqət ayırmaq lazım deyil, biz cari problemləri genişləndirilmiş şəkildə həll etməliyik".
P.Şahbazov əlavə edib ki, 2020-ci ildə dünyada elektrik enerjisinin istehsalında bərpa olunan enerji mənbələrinin payı 29 faizə çatıb: "Biz bilirik ki, bu kifayət deyil. Biz bu potensialı genişləndirməliyik".
