Ötən Azərbaycanda ölkədə 33 yanğın olub
Fövqəladə Hallar Nazirliyinin “112” qaynar telefon xəttinə daxil olmuş zənglər əsasında Nazirliyin aidiyyəti qurumları tərəfindən ötən sutka ərzində 33 yanğına çıxış və 3 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib.
Nazirlikdən 1news.az-a verilən məlumata görə, görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Ümumilikdə, FHN-in qüvvələri tərəfindən ötən sutka ərzində 1-i azyaşlı olmaqla 3 nəfər xilas edilib, yanğın zamanı 5 nəfər sakin təhlükəsiz əraziyə təxliyə olunub.
Həmçinin, Bakı şəhəri, Nəsimi rayonunda güclü külək səbəbindən küçədə dayanan avtomobilin üzərinə aşaraq yolda hərəkəti məhdudlaşdıran ağacın xilasedicilər tərəfindən ərazidən götürülməsi təmin olunub.
