Azərbaycanda iki uşaq reabilitasiya mərkəzi açılacaq
Yaxın vaxtlarda Azərbaycanda iki yeni uşaq reabilitasiya mərkəzi fəaliyyətə başlayacaq.
1news.az Trend-ə istinadən bildirir ki, bunu Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin sədri Anar Bayramov əlilliyin qiymətləndirilməsi və reabilitasiya sahəsində görülmüş işlərə dair mətbuat konfransında çıxışı zamanı deyib.
O bildirib ki, bunlardan biri Qəbələdə, digəri isə Şəmkirdə açılacaq:
"Hazırda ölkə üzrə 13 reabilitasiya mərkəzi fəaliyyət göstərir. Yaxın 2 ay ərzində 2 yeni mərkəzin açılışı nəzərdə tutulur. Əlilliyi olan şəxsləri tibbi sosial ekspert komissiyalarına müraciət edərək elektron növbəyə durub, xidmətlərdən yararlanmağa çağırıram", - deyə o bildirib.
1news.az
