Azərbaycanlıların hazırladığı süni intellekt tələbələrin təhsilini xeyli asanlaşdıracaq - FOTO
WeType yazınızı daha rahat etmək üçün süni intellekt texnologiyasından istifadə edən innovativ platformadır.
WeType essenizi təkmilləşdirmək üçün köməkçi vasitələr təqdim edir. O, kurs işləri, tədqiqat işləri, rezyumelər və digər mətn növləri yazmağa kömək edir.
Start-upın təsisçisi Vaqif Həmzəyev kompüter elmləri üzrə ADA Universitetində təhsil alan zaman WeType üzərində işləməyə başlayıb.
Start-up yaradılması ideyası barədə danışarkən, Vaqif Həmzəyev bunları qeyd edib:
“Məni həmişə İT sahəsində start-up yaratmaq ideyası cəlb edib, bu mühitdə ən son mövcud texnologiyalardan istifadə edərək öz layihəmi yaratmaq və bu layihəni faydalı və effektiv etmək istəyirdim. Universitetdə təhsil alarkən, ideya formalaşdı, məqsədlər və istiqamət müəyyən edildi: süni intellekt əsasında işləyəcək, tələbələrin təhsilinə kömək edəcək və bütün lazımi funksiyaları birləşdirəcək müxtəlif mürəkkəblikdə akademik mətnlər və esselər yazmaq üçün platforma yaratmaq. Bu cür platformaların əksəriyyəti bir və ya iki problemi həll edirdi, halbuki hər birinin qiyməti 10-15$ idi.
Beləliklə, WeType yarandı - ingilis dilindən təhsil və işində istifadə edən hər kəsə kömək etmək üçün hazırlanmış servis”
Bu platforma nə təklif edir?
İdarəetmə panelinə daxil olaraq siz komanda yoldaşlarını əlavə edə biləcəyiniz intuitiv başa düşülən interfeysli daxili mətn redaktoru və alətlər panelini istifadə edə bilərsiniz.
WeType sinonimləri tapmağa, təkrarlanan sözləri müəyyən etməyə, konteksti və durğu işarələrini vurğulamağa imkan verir və ən əsası, süni intellekt esseni avtomatik olaraq bir dəqiqə ərzində tamamlayır, xülasəsini nümayiş etdirir, həmçinin bütün inşanın yekun qiymətləndirilməsini təmin edir, belə ki, istifadəçi əvvəlcədən yazılı esse üçün təxmini qiymətini və oxuma asanlığının səviyyəsini bilir.
Sinonimlər. Səhf düzəlişləri. Avtomatik tamamlama.
Karuseldən fotolar:
Yazının növbəti səviyyəsini sınayın. Peşəkar şəkildə hazırlanmış süni intellekt sinonimləri, düzəlişləri və essenizi mükəmməl etmək üçün hər bir mümkün yolları təklif edəcəkdir.
Alətlər paneli:
İdarə paneli istifadəçilərə öz irəliləyişlərini izləməyə, son tarixləri təyin etməyə və bütün vacib məlumatları bir səhifədə görmək imkanı verir.
WeType ilə bazarda mövcud olan analoqlar arasında hansı fərqlər var?
● Bazarda yuxarıda göstərilən bütün funksiyaları bir anda birləşdirən, bir faylda yazmaq, redaktə etmək, essenin sonunu tamamlamaq, son tarixlər təyin etmək, komanda üzvləri ilə əməkdaşlıq etmək, onların gedişatını onlayn izləmək imkanı verən platforma yoxdur.
● Qiymət. Məşhur analoqlara abunə orta hesabla 12-49$ başa gələcək. WeType-a abunə olmaq “freemium”dur (yəni tamamilə pulsuzdur)! Daha çox imkanların açılması ilə abunə yenilənməsi 2,99$-dan başlayacaq.
Bu platforma kimə uyğundur?
WeType tələbələr, copywriterlər, peşəkarlar və ümumiyyətlə, gündəlik olaraq ingilis dilində orfoqrafiya ilə bağlı çətinliklərlə üzləşənlər üçün mükəmməl yoldaşdır.
Platformadan istifadə etmək üçün linkə daxil olun: WeType.net
Saytda yer alan blog xüsusilə tələbələr üçün faydalı olacaq: blog.wetype.net
Reklam hüququnda
