Cartier Zərgərlik Evinin qlobal layihəsindəki ilk azərbaycanlı – İsfar Sarabski - FOTO | 1news.az | Xəbərlər
Cəmiyyət

Cartier Zərgərlik Evinin qlobal layihəsindəki ilk azərbaycanlı – İsfar Sarabski - FOTO

Qafar Ağayev17:41 - 29 / 11 / 2021
Cartier Zərgərlik Evinin qlobal layihəsindəki ilk azərbaycanlı – İsfar Sarabski - FOTO

Cartier Zərgərlik Evi Pasha Community icmasının yaradılmasını elan edib. İcmanın üzvləri Rusiya, Ukrayna, Qazaxıstan və Azərbaycandan olan novatorlardır.

Pasha Community icmasında Azərbaycanı Warner Music Group-la müqavilə bağlamış ilk azərbaycanlı elektron və caz musiqiçisi, pianoçu və bəstəkar İsfar Sarabski təmsil edir. İştirakçılar arasında musiqiçi və prodüser İvan Dorn, dizayner Ruslan Baqinski, rəqəmsal rəssam Aleksandr SubSensus, SETTERS kommunikasiya və yaradıcılıq agentliyinin təsisçisi Aleksandra Jarkova, sahibkar Alisa Çumaçenko, eko-influenser Anastasiya Çijevskaya, The Steppe mediastartapının təsisçisi Zaure Rozmat, rejissor İlya Nayşuller və Glamour jurnalının baş redaktoru İsyana Erdneyeva var.

Cartier əmindir ki, yeni qəhrəmanlar öz fəaliyyətləri ilə başqalarına nümunə olacaq, işini sevməyin, heç vaxt geri çəkilməməyin və xəyalları reallığa çevirməyin vacibliyini göstərəcək. Bu insanlar stereotipləri məhv etməkdən, imkanların sərhədini aşmaqdan və uğur əldə etməkdən çəkinmir. Onlar dünya haqqında standart düşüncələri dəyişdirir və hər kəsdən fərqli yaradıcılıq və özünüifadə yolları yaradır.

"Lap kiçik idim, bəlkə də yeni gəzməyi öyrənirdim. Ən çox sevdiyim oyuncaqlar evimizdəki vallar idi. Evdəkilər mənə tez-tez mahnı sifariş edirdilər." - deyə azərbaycanlı pianoçu və bəstəkar İsfar Sarabski xatırlayır. O, prestijli Jazz Festival Montreux müsabiqəsində qalib gəlib, Amerika Caz Musiqiçiləri Fondunun dəvəti ilə Nyu-Yorkda silsilə qala-konsertlər keçirib və Warner Music Group-la müqavilə bağlamış ilk azərbaycanlı elektron və caz musiqiçisi olub.

İsfar elektro-muğam musiqi janrının əsasını qoyub və musiqiyə daima yəni nəfəs gətirir. Musiqiçi WMG ilə əməkdaşlıq şərtlərində yazılmış yeni Planet albomunun təqdimatını etdiyi Avropa üzrə konsert turunu yenicə tamamlayıb.

"Pasha Community qəhrəmanları səylərini bir layihədə birləşdirsələr, bu, çox irimiqyaslı hadisə olacaq" - deyə icmada Qazaxıstanı təmsil edən Zaure Rozmat bildirib. Cartier Zərgərlik Evi istedadların bir araya gəlməsi üçün şərait yaratmaqla və bunun Pasha Community-nin yeni fəslinin başlanğıcını qoymasını vəd etməklə çox böyük işə imza atıb.

"Biznes ilk növbədə rəqəmlər yox, emosiyalara əsaslanır. Layihədə səni pul qazanmaqdan başqa, həvəsə gətirən heç nə yoxdursa, bir neçə illik fəaliyyətdən sonra iş öz-özünə sönəcək" - deyə Zaure əminliklə qeyd edir.

Zaure debüt layihəsinə 24 yaşında başlayıb, 5 il əvvəl isə Qazaxıstanda həyat tərzi haqqında ilk onlayn-medianın əsasını qoyub. The Steppe startaplar, biznes və hobbilər haqqında saytdır.

ÇƏRÇİVƏDƏN KƏNARA ÇIXMAQ

Pasha Community icmasının ilk görüşü Moskvadakı Noôdome platformasında keçirilib.

10 qəhrəmanı bir araya gətirən tədbir "Questioning" tamaşasının motivlərinə əsaslanan performans formatında keçirilib və yeni yaradıcı ideyalara qığılcım verib. Layihənin iştirakçıları tanış olub, fikir mübadiləsi edib, hətta müştərək layihə imkanlarını müzakirə edib.

"Pasha Community qəhrəmanları sahələrinin novator və pionerləridir. Onlar adiliklərin fövqünə çıxmaqdan və uğura doğru addımlamaq üçün yeni yollar salmaqdan çəkinmirlər" - deyə Zərgərlik Evinin nümayəndəsi vurğulayır.

Cartier icmada dövrünün parlayan istedadlarını və sahələrinin novatorlarını bir araya gətirib və bütün dünyaya adiliklərdən uzaqlaşmağın artıq qorxulu olmadığını göstərir.

Və bu, Pasha Community-nin yeni fəslinin başlanğıcıdır.

HÖKMDARIN SAATI

İlk Pasha de Cartier modeli 1940-cı illərdə hazırlanıb. Bu, siferblatı qoruyucu metal barmaqlıqla örtülmüş, kənardan isə zəncirlə saata birləşmiş tənzimləyici detalın göründüyü, sözün əsl mənasında, unikal saat idi.

Dizayn xüsusi olaraq Mərakeş hökmdarı Tami Əl-Qlaui üçün yaradılmışdı. O, elə bir saat arzusunda idi ki, bu saatla həm hovuzda çimmək, həm də təntənəli ziyafətlərdə hamının diqqət mərkəzində olmaq mümkün olsun.

Pasha de Cartier zəriflik və gündəlik istifadəyə yararlılığın ideal nümunəsi oldu. Saata hətta suyun altında belə baxmaq rahat idi. Manufaktura adətən istifadə etdiyi Roma rəqəmlərindən imtina edərək, iri və aydın görünən ərəb rəqəmlərinə üstünlük vermişdi.

1985-ci ildə eleqant idman saatlarını trendə çevirmiş məşhur usta Cerald Centa Pasha de Cartier saat modelini dəyişdirərək onu daha yüngül və müasir etdi.

Bu saat güzəştə getməyən, azad düşüncə tərzinə sahib olan və diqqət cəlb etməkdən qorxmayan insanlar üçün yaradılıb.

Reklam hüququnda

Paylaş:
119

Son xəbərlər

Devid Harris: Bizim üçün Azərbaycanın regional və qlobal əhəmiyyəti böyükdür16 / 01 / 2022, 11:46Bu ay Suraxanıda narkotik satan 30 nəfər saxlanılıb – FOTO15 / 01 / 2022, 18:00Türkiyə-Ermənistan təmaslarının başlanmasını alqışlayırıq - Xələf Xələfov15 / 01 / 2022, 17:42Bakıda küçədə gecələyən yeniyetmə Narkoloji Dispanserə yerləşdirilib15 / 01 / 2022, 17:32Ağdamda evdən 52 min manatlıq oğurluq edilib - FOTO15 / 01 / 2022, 17:11Azərbaycanda bütün məhkumlar peyvənd olunub15 / 01 / 2022, 16:49Qazilər “Müharibə veteranı” adını və təqaüdünü yanvar ayında ala biləcəklər - VİDEO15 / 01 / 2022, 16:34II Qarabağ İqtisadi Forumu keçiriləcək – FOTO15 / 01 / 2022, 16:09Ailəsi bu qızı axtarır – FOTO15 / 01 / 2022, 15:52Peyvənd olunanların sayı açıqlanıb15 / 01 / 2022, 14:45Bu gün 710 nəfər COVID-19-a yoluxub – STATİSTİKA15 / 01 / 2022, 14:35“Yüksəliş” müsabiqəsinin təşkilat komitəsinin iclası keçirilib - FOTO15 / 01 / 2022, 14:23Sabahdan hava yenidən pisləşəcək: qar yağacaq - XƏBƏRDARLIQ15 / 01 / 2022, 14:02Ötən il 752 min şəxsə sosial müavinət və təqaüd ödənilib15 / 01 / 2022, 13:34İstirahət günü üçün hava proqnozu açıqlanıb15 / 01 / 2022, 13:02İlham Əliyev Amerika Yəhudi Komitəsinin icraçı direktorunu qəbul edib - FOTO - YENİLƏNİB15 / 01 / 2022, 12:36Azərbaycana 27 sm qar yağıb – FAKTİKİ HAVA15 / 01 / 2022, 12:222021-ci ildə pensiya ödənişi üçün xərclənən vəsaitin məbləği açıqlanıb15 / 01 / 2022, 11:51Bakıda telefon və velosiped oğruları saxlanılıb – FOTO – VİDEO15 / 01 / 2022, 11:41Silahlı Qüvvələrin Hərbi Akademiyasının Adyunkturasına qəbul elan edilib15 / 01 / 2022, 11:26
Bütün xəbərlər

Next TV