Vətən Müharibəsi zamanı Ermənistanın Azərbaycana kiberhücumlarının sayı açıqlandı
Azərbaycanın ən iri özəl kibertəhlükəsizlik müəssisəsi olan “Prosol” şirkəti beynəlxalq səviyyəli tədbirə evsahibliyi edib.
1news.az xəbər verir ki, Beynəlxalq kibertəhlükəsizlik günü”nə həsr olunan tədbirdə Azərbaycanla yanaşı, bir sıra ölkələri təmsil edən kiber mütəxəssisləri iştirak edib. Konfransın əsas müzakirə mövzuları Azərbaycan, Türkiyə və İsrail modelləri, dərin müdafiə, kiber hədələrin və risklərin minimallaşdırılması və sairə olub.
Xüsusi Rabitə və İnformasiya Təhlükəsizliyi Dövlət Xidmətinin idarə rəisi Tural Məmmədov çıxışı zamanı 44 günlük Vətən müharibəsi dövründə düşmən tərəfindən Azərbaycanın dövlət informasiya resurslarına olunan hücumların sayını açıqlayıb. O, bildirib ki, Ermənistan tərəfindən 2 678 hücum həyata keçirilib, amma buna baxmayaraq onların hamısının qarşısı uğurla alınıb. İdarə rəisi həmçinin, dövlət qurumlarının informasiya sistemlərinin ildə 2 dəfə yoxlanıldığını deyib.
Konfransada iştirak edən turkiyəli mütəxəssis Səmra Erişkon ölkəsinin təcrübəsindən və kibertəhlükəsizlik sahəsində aparılan işlərdən danışıb.
Qeyd edək ki, tədbir Azərbaycanda özəl sektor tərəfindən təşkil edilən ilk kibertəhlükəsizlik tədbiri olmasına baxmayaraq, diqqəti üzərinə cəkməyi bacarıb.
