Slovakiya səfirliyi Azərbaycana başsağlığı verib
Slovakiyanın Azərbaycandakı səfirliyi Dövlət Sərhəd Xidmətinin (DSX) helikopterinin qəzaya uğraması nəticəsində hərbi qulluqçuların həlak olması ilə bağlı Azərbaycana başsağlığı verib.
1news.az-ın verdiyi xəbərə görə, bu barədə səfirliyin rəsmi Facebook səhifəsində paylaşım edilib.
“Azərbaycanın Dövlət Sərhəd Xidmətinin hərbi helikopterinin qəzaya uğraması nəticəsində həlak olanların ailələrinə dərin hüznlə başsağlığı veririk. Bu qəzada sağ qalanlara tezliklə sağalmağı arzu edirik”, -paylaşımda deyilir.
Qeyd edək ki, dünən Dövlət Sərhəd Xidmətinin hərbi helikopteri Xızı rayonu ərazisində yerləşən Qaraheybət poliqonunda qəzaya uğrayıb. Hadisə nəticəsində 2 nəfər yaralanıb, 14 nəfər isə həlak olub.
Mövzu ilə əlaqədar oxuyun:
Azərbaycanda hərbi helikopter qəzaya uğrayıb, həlak olanlar var
Helikopter qəzasında həlak olan hərbçilərin adları açıqlandı - SİYAHI
İlham Əliyev helikopter qəzasında həlak olanların ailələrinə başsağlığı verib
