Sərnişin avtobusun ödəniş terminalını sındırdı - VİDEO | 1news.az | Xəbərlər
Cəmiyyət

Sərnişin avtobusun ödəniş terminalını sındırdı - VİDEO

17:48 - 03 / 12 / 2021
Sərnişin avtobusun ödəniş terminalını sındırdı - VİDEO

Bakıda marşrut avtobusunda ödəniş terminalını yumruqla vuraraq sındıran şəxs axtarılır.

1news.az-ın qafqazinfo-ya istinadən verdiyi xəbərə görə, hadisə dekabrın 1-i saat 18:50 radələrində 49 saylı xətt avtobusunda baş verib.

Avtobusun məxsus olduğu şirkətin icraçı direktoru Şəhriyar Gülmalıyev bildirib ki, sürücü nağd ödəniş etmək istəyən sərnişinə ödənişin kartla olduğunu bildirməsinə görə mübahisə baş verib:

“Daha sonra başqa bir sərnişin onun yerinə kartla ödəniş edib. Həmin şəxs düşərkən yenidən mübahisə edib və bu zaman ödəniş terminalına yumruqla vuraraq sındırıb. Nəticədə şirkətə 13 400 manat ziyan dəyib. Hadisə ilə bağlı Sabunçu Rayon Polis İdarəsinin 13-cü Polis Bölməsinə müraciət etmişik”.

Hazırda araşdırma aparılır, lakin hadisəni törədən şəxs hələ saxlanılmayıb.

Bakı Nəqliyyat Agentliyi sözügedən insidentlə bağlı açıqlama verib:

“Sərnişin-sürücü münasibətlərinin pozulması ilə bağlı növbəti xoşagəlməz hal ötən gün “Azlənd-Plaza” MMC-nin müvəqqəti istismarındakı 49 nömrəli müntəzəm marşrut xəttində baş verib.

Belə ki, dekabrın 2-si saat 19:00 radələrində bir nəfər sərnişin ( şəxsiyyəti müəyyən edilməyib) avtobusa daxil olarkən gediş haqqını nağd ödəmək istəyib. Sürücü isə nağd ödənişi qəbul etməyərək gediş haqqının nağdsız formada “BakıKart”la ödənilməli olduğunu bildirib. Digər bir sərnişinin kartından istifadə edərək gediş haqqını ödəyən sərnişin daha sonra sürücü ilə mübahisə edib. Bununla kifayətlənməyən sərnişin Bakıxanov qəsəbəsində düşərkən avtobusda olan ödəniş alətinə (validator) yumruqla zərbə vururaq onu yararsız hala salıb.

Təəssüflə bildiririk ki, bu, son bir həftədə ictimai nəqliyyat sürücülərinə qarşı qeydə alınan ikinci xoşagəlməz haldır.

Bunun yolverilməz olduğunu qeyd edərək bir daha bildiririk ki, sərnişin avtobusları ümumi istifadədə olan nəqliyyat vasitəsidir və burada hər kəsin - istər sürücü, istər sərnişinlərin mütləq əməl etməli olduqları qaydalar var. Nağdsız ödənişlə çalışan xətlərdə gediş haqqının “BakıKart”la ödənilməsi də belə qaydalardandır”.

1news.az

Paylaş:
93

Son xəbərlər

Füzulidə traktor minaya düşübBu gün, 17:53Bakı-Qazax yolunda dəhşətli qəza - VİDEOBu gün, 17:42Azərbaycan və İran XİN rəhbərlərinin telefon danışığı olubBu gün, 17:35Prezident İlham Əliyev Kasım-Jomart Tokayevi təbrik edibBu gün, 17:28Redaksiyaya məktub: “Qeydiyyatda olduğum ünvanda yaşamıram. COVID-19 testinin götürülməsi üçün həkim birqadasını necə çağıra bilərəm?”Bu gün, 17:25Sinxua agentliyi AZƏRTAC-ın fotomüxbirinin Olimpiya Oyunları ilə bağlı fikirlərini öyrənibBu gün, 17:15ARDNF Türkiyə Mərkəzi Bankında depozit yerləşdiribBu gün, 17:10Redaksiyaya məktub: “Əgər 7 gündən artıq COVID-19 xəstəsiyəmsə, məndən işə qayıtmağımı tələb edə bilərlər?”Bu gün, 16:53Avropa İttifaqının Azərbaycan nümayəndəliyinin rəhbəri MEDİA-da oldu - FOTOBu gün, 16:50Xocalı soyqırımının 30-cu ildönümü ilə əlaqədar tədbirlər planı hazırlanacaq - SƏRƏNCAMBu gün, 16:34Məktəbdaxili münasibətləri tənzimləyən yeni qaydalar hazırlanırBu gün, 16:29Bəzi yollar buz bağlayacaqBu gün, 15:53Qarabağda astronomik stansiya qurulacaqBu gün, 15:38Abşeronda narkotacir qadın və şəbəkə üzvləri saxlanılıb – VİDEOBu gün, 15:13Hafiz Məmmədov azadlığa buraxılmadıBu gün, 15:04“Buta Airways” Mineralnıye Vodı şəhərinə uçuşları bərpa edirBu gün, 15:01Baş Prokurorluq: Məktəb direktorunun səs yazısı ilə bağlı fakt araşdırılırBu gün, 14:55Məktəbdə yayılan növbəti videoyaya görə araşdırma aparılırBu gün, 14:24Lavrov Zelenskini Rusiyaya səfərə dəvət edibBu gün, 14:21Kamran Əliyev Avropa İnsan Hüquqları Məhkəməsinin sədri ilə görüşüb - FOTOBu gün, 14:18
Bütün xəbərlər

Next TV