Kiçik və orta sahibkarlığın inkişafına hansı güzəştlər olmalıdır? - “Çıxışa doğru”da MÜZAKİRƏ – VİDEO
Kiçik və Orta Biznesin İnkişafı Agentliyinin (KOBİA) yaradılması Azərbaycanda sahibkarlıq fəaliyyətinin inkişafına böyük təsir göstərmişdir.
KOBİA ölkədə mikro, kiçik və orta sahibkarlığın inkişafını dəstəkləyən, onun tənzimlənməsində, mikro, kiçik və orta sahibkarlıq subyektlərinin maraqlarının qorunmasında və problemlərinin həllində iştirak edən, sahibkarlara bir sıra xidmətlər göstərən, dövlət qurumlarının və özəl qurumların bu sahədə xidmətlərini əlaqələndirən və səlahiyyətli qurum kimi çıxış edən publik hüquqi şəxsdir. Bu barədə Agentlik yaradılarkən Azərbaycan Prezidenti tərəfindən təsdiq edilən əsasnamədə də qeyd edilir.
1news.az-ın verdiyi xəbərə görə, AzTV-nin “Çıxışa doğru” verilişində “Kiçik və orta sahibkarlığın inkişafına hansı güzəştlər olmalıdır?” mövzusunda aparılan müzakirələr zamanı bu barədə ətraflı danışılıb. Verilişin qonaqları – Zahid Məmmədov - iqtisad elmləri doktoru, professor, Sahib Məmmədov - Əmək Hüquqlarının Müdafiəsi Liqasının sədri, hüquq nüdafiəçisi, Əfqan Musayev - UNEC İslam Maliyyə Tədqiqat Mərkəzinin tədqiqatçısı və Samir Hümbətov - Azərbaycan Respublikasının Kiçik və Orta Biznesin İnkişafı Agentliyinin (KOBİA) idarə heyəti sədrinin müavini mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
