Narkomaniya ilə mübarizə ailə sağlamlığının təminatıdır - “Çıxışa doğru”da MÜZAKİRƏ - VİDEO
Bu günlərdə Milli Məclisin Ailə, qadın və uşaq məsələləri və Səhiyyə komitələrinin “Narkomaniya ilə mübarizə ailə sağlamlığının təminatıdır” mövzusunda birgə dinləməsi keçirilib.
Ölkəmizdə narkomaniya ilə mübarizə sahəsində görülən işlərdən danışılıb. Bildirilib ki, narkomaniya ilə cəmiyyət olaraq mübarizə aparılmalıdır. Maarifləndirmə işinə xüsusi diqqət yetirilməlidir. Məktəblərdə, mətbuatda narkomaniya ilə mübarizə üçün görülən işlərin genişləndirilməsinə ehtiyac var. Sənədli filmlərin hazırlanıb mətbuatda yayımlanması, maarifləndirmənin əhatə dairəsinin genişləndirilməsi, sosial şəbəkələrdə qısa videoçarxların hazırlanıb paylaşılması narkomaniya ilə mübarizəyə dəstək verə bilər.
Qeyd edilib ki, narkomaniya ailələrin bədbəxtliyinə, həmin ailədə böyüyən uşaqların psixologiyasına mənfi təsir edir. Aidiyyəti qurumlar narkomaniyaya qarşı ciddi mübarizə aparır. Nə qədər mübarizə aparılsa da hələ də bunun kökünü kəsmək mümkün olmayıb. Bu bəlanın qarşısının alınması hər birimizin vətəndaşlıq borcudur.
1news.az-ın verdiyi xəbərə görə, AzTV-nin “Çıxışa doğru” verilişində “Narkomaniya ilə mübarizə ailə sağlamlığının təminatıdır” mövzusunda aparılan müzakirələr zamanı bu barədə ətraflı danışılıb. Verilişin qonaqları – Soltan Məmmədov - Milli Məclisin deputatı, Fəzail Sadıqov - tibb elmləri namizədi, psixiatr-narkoloq, Nəcəf Aydınoğlu - DİN-in əməkdaşı və Nailə İsmayılova - "Yeni Həyat" Humanitar və Sosial Dayaq İB-nin sədri mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
