Əmək bazarının tələblərinə uyğun peşə təhsili problemini nədə görürsünüz? - “Çıxışa doğru”da MÜZAKİRƏ – VİDEO
Azərbaycanda peşə təhsili vəziyyəti narahatlıq doğurur. Hər il orta məktəbləri 100 minə yaxın şagird bitirsə də, onların ücdə biri ali məktəblərə, bir hissəsi isə kolleclərə qəbul olur, 40-50 min uşaq isə heç bir təhsilə yiyələnmir.
Əslində hamının ali təhsilli olması prioritet məsələ deyil. Mühüm olan hər bir əmək qabiliyyətli insanın peşə təhsilinə yiyilənməsidir ki, Azərbaycanda da peşə təhsili populyar deyil. Hazırda təhsil sisteminin ən vacib vəzifələrindən biri məhz peşə təhsilinin keyfiyyətini yüksəltmək və bu sahəyə marağı artırmaqır. Əmək bazarında da bacarıqlı peşə və sənət sahiblərinə böyük ehtiyac var. Peşə təhsili ala bilməyən, əmək bazarının müasir tələblərinə uyğun hər hansı sənət öyrənməyən gənclər həm iş tapa bilmirlər, həm də müxtəlif radikal dini qrupların təsirinə düşür, narkotikə qurşanır, cinəyət törədir və s. arzuedilməz istiqamətlərə yönəlmiş olurlar.
1news.az-ın verdiyi xəbərə görə, AzTV-nin “Çıxışa doğru” verilişində “Əmək bazarının tələblərinə uyğun peşə təhsili problemini nədə görürsünüz?” mövzusunda aparılan müzakirələr zamanı bu barədə ətraflı danışılıb. Verilişin qonaqları – Elçin Əfəndi - təhsil məsələləri üzrə ekspert, Mahir Qara - Azərbaycan İnsan Resursları Assosiasiyasının həmtəsisçisi, idarə heyətinin üzvü, Zaur Əliyev - Peşə Təhsili üzrə Dövlət Agentliyinin şöbə müdiri və İdris Musayev - Sənaye və İnnovasiyalar üzrə Bakı Dövlət Peşə Təhsili Mərkəzinin direktoru mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
