Şəhidlərin xatirəsi bir dəqiqəlik sükutla yad edildi
20 Yanvar faciəsinin 32-ci ildönümü ilə əlaqədar bu gün saat 12:00-da Azərbaycanın bütün ərazisində şəhidlərin xatirəsi bir dəqiqəlik sükutla yad edilib.
1news.az-ın verdiyi xəbərə görə, hüzn əlaməti olaraq dövlət bayraqları endirilib, gəmilər, avtomobillər, qatarlar bununla əlaqədar səs siqnalları verib.
Qeyd edək ki, 1990-cı il yanvarın 19-dan 20-nə keçən gecə, əvvəlcədən fövqəladə vəziyyət elan edilmədən Sovet ordusu Azərbaycana qarşı hərbi əməlliyatlara başladı. Faciə zamanı 147 nəfər öldürüldü, 744-ü ağır xəsarət aldı, 841 nəfər isə qanunsuz olaraq həbs edildi. Sovet ordusunun əməliyyatları nəticəsində 200 mənzil, ev, şəxsi və dövlət əmlakı dağıldı.
Xalqımızın qan yaddaşında əbədi yaşayacaq 20 Yanvar faciəsi respublikamızda hər il Ümumxalq Hüzn Günü kimi geniş qeyd edilir.
Mövzu ilə əlaqədar oxuyun:
20 Yanvar – qanla yazılan azadlıq və qəhrəmanlıq salnaməsi – FOTO
Mehriban Əliyeva 20 Yanvar faciəsinin ildönümü ilə bağlı paylaşım edib - FOTO
Prezident İlham Əliyev 20 Yanvar faciəsi ilə bağlı paylaşım edib - FOTO
