Yasamal rayonunda 7 küçə əsaslı təmir olunur - FOTO | 1news.az | Xəbərlər
Cəmiyyət

Yasamal rayonunda 7 küçə əsaslı təmir olunur - FOTO

Qafar Ağayev14:57 - 21 / 01 / 2022
Yasamal rayonunda 7 küçə əsaslı təmir olunur - FOTO

Vətəndaşların rahat gediş-gəlişinin təmin olunması istiqamətində dövlət başçısının tapşırığına uyğun olaraq, Azərbaycan Avtomobil Yolları Dövlət Agentliyi (AAYDA) tərəfindən avtomobil yolları, küçə və prospektlərdə təmir-bərpa, yenidənqurma işləri davam etdirilir.

AAYDA-dan 1news.az-a verilən məlumata görə, bu çərçivədə Bakı Nəqliyyat Agentliyinin pilot layihəsi əsasında agentlik tərəfindən Yasamal rayonu Bəsti Bağırova və Məhəmməd Naxçıvani küçələrində, həmçinin bu küçələrlə kəsişən Giləzi, Murtuza Muxtarov, Cabbar Qaryağdıoğlu, Mirzə Fətəli Axundov və Mustafa Sübhi küçələrinin əsaslı şəkildə yenidən qurulması nəzərdə tutulur. Yenidənqurma işlərinin aparılması nəzərdə tutulan 7 küçənin ümumi uzunluğu 1 777 metrdir.

Məlumata görə, təmir-bərpa işlərinə Bəsti Bağırova küçəsində start verilib. Küçənin uzunluğu 450 metr, hərəkət hissəsinin eni ortalama 14,5 metr təşkil edir.

Azərbaycan Avtomobil Yolları Dövlət Agentliyi tərəfindən aparılan işlər çərçivəsində küçənin köhnə asfalt-beton örtüyünün üst qatı frezlənərək kənara daşınır, yararsız səki daşları sökülərək 1 100 p/metr uzunluğunda yeni səki daşları ilə əvəz olunur, yeni piyada səkiləri salınır.

Küçə üzrə müasir şəhərsalma qaydalarına uyğun olaraq mövcud piyada səkilərinin bərpası və zəruri yerlərdə yenilərinin inşası ilə piyada yönümlülüyünün artırılması hədəflənir. Yenidənqurma işləri çərçivəsində küçə üzrə piyada səkilərinin sahəsi 8390 kv. metr, avtonəqliyyat vasitələrinin hərəkət etdiyi hissənin sahəsi isə 6 530 kv. metr təşkil edəcək.

Bu işlərə paralel olaraq küçə boyu səth sularının normal kənarlaşdırılmasını təmin etmək məqsədi ilə yağış-kanalizasiya sisteminin bərpa olunaraq işlək vəziyyətə salınması, yeni yağış barmaqlıqlarının, həmçinin yeraltı kommunikasiya xətlərinin dəmir-beton plitələrinin qaldırılaraq 78 ədəd yeni baxış qapaqlarının qoyulması da nəzərdə tutulub.

Bununla yanaşı ərazidə aidiyyəti qurumlar tərəfindən yeraltı kommunikasiya xətlərinin yenilənməsi, zəruri yerlərdə yeni xətlərin çəkilməsi işləri də aparılır. Bu isə gələcəkdə sözügedən küçələrdə örtüyün vaxtından əvvəl zədələnməsini sığortalamış olacaq.

Yenidənqurma işlərinin son mərhələsində küçə zəruri yol nişanları, üfiqi nişanlanma xətləri, piyada zolaqları və xüsusi parklanma yerləri ilə təmin olunaraq vətəndaşların istifadəsinə veriləcək.

“İnşaat Norma və Qaydaları”nın tələblərinə əsasən aparılan yenidənqurma işləri mərhələli şəkildə 462 metr uzunluğa malik Məhəmməd Naxçıvani küçəsində, həmçinin Giləzi (110 metr), Murtuza Muxtarov (329 metr), Cabbar Qaryağdıoğlu (188 metr), Mirzə Fətəli Axundov (119 metr) və Mustafa Sübhi (119 metr) küçələrində də aparılacaq.

Xatırladaq ki, Avtomobil Yolları Dövlət Agentliyi tərəfindən İnvestisiya Proqramları çərçivəsində 2019-2021-ci illər ərzində Yasamal rayonu ərazisində 20 km-dən çox uzunluğa malik küçə əsaslı şəkildə təmir edilib.

Paylaş:
187

Son xəbərlər

Beş il əvvəl baş verən qətllərin üstü açılıbBu gün, 11:19Beynəlxalq Muzeylər Günündə İcərişəhər və Qala qoruğunda muzeyləri 7000 nəfər ziyarət edib - FOTOBu gün, 10:46Manatın xarici valyutalara qarşı rəsmi məzənnəsiBu gün, 10:41Səhiyyə naziri beynəlxalq qurumun toplantısında Azərbaycanda vərəmlə mübarizədən danışdıBu gün, 10:25Jurnalist Qadir İbrahimli vəfat edibBu gün, 10:14LU-MUN Holdinq sahibkarlığa dəstək layihəsini davam etdirir – FOTO - VİDEOBu gün, 10:10Mərkəzi Bank və Veysəloğlu Şirkətlər Qrupu arasında görüş olubBu gün, 10:00Bakı Şəhər İcra Hakimiyyəti sakinlərə müraciət edibBu gün, 09:37Astarada məktəbdə yanğın olubBu gün, 09:22Bakıda kütləvi dava zamanı iki nəfər bıçaqlanıbBu gün, 09:20Paytaxtın bu yollarında sıxlıq var - SİYAHIBu gün, 09:09Azərbaycana daha 14 ölkədən uçuşlara icazə verilibBu gün, 09:05“Ədliyyə orqanlarında və məhkəmələrdə kommunikasiya siyasəti” mövzusunda təlim keçirilib - FOTO19 / 05 / 2022, 22:11Tovuz şəhər stadionunun ot örtüyü yenilənir - FOTO19 / 05 / 2022, 18:02FHN hava şəraiti ilə əlaqədar əhaliyə müraciət edib19 / 05 / 2022, 17:56Meksikada avtobus qəzasında 14 nəfər ölüb, 20 nəfər yaralanıb19 / 05 / 2022, 17:43Azərbaycanda donor bankı yaradılıb19 / 05 / 2022, 17:18Doktorantura və dissertantura imtahanlarına dair yeni tələblər açıqlanıb19 / 05 / 2022, 17:05“CityNet”dən 20%-dək endirim19 / 05 / 2022, 17:00Peyvənd olunanların sayı açıqlanıb – FOTO19 / 05 / 2022, 16:44
Bütün xəbərlər

Next TV