“COVID-19” pasportu olmadığına görə toya buraxılmayanların ümumi sayı açıqlanıb – STATİSTİKA

2021-ci il iyulun 1-dən toy, nişan, ad günləri və digər şənlik mərasimlərinin keçirilməsinin monitorinqi diqqət mərkəzində saxlanılır.

1news.az-ın verdiyi xəbərə görə, DİN Mətbuat Xidmətindən Trend-in soğrusuna cavab olaraq bildirilib ki, bu günə qədər respublika ərazisində 51853 şadlıq sarayı və digər obyektlərdə, fərdi evlərində və həyətlərdə 2505 monitorinq aparılıb.

Monitorinqlərin 39779 sayda polis tərəfindən, 12074 sayda digər dövlət qurumları ilə birgə keçirilib. Aşkarlanan pozuntuların sayı 3369 təşkil edib, 44 cinayət işi başlanılıb. COVİD-19 pasportu olmadığına görə 64580 nəfər şənlik mərasimlərinə burxılmayıb.