“Azərbaycanda avtomobil parkı köhnəlib” - Əsgər Məmmədov
"Azərbaycanın avtomobil parkı köhnəlib".
1news.az xəbər verir ki, bunu Dövlət Gömrük Komitəsinin (DGK) Gömrük tariflərinin tənzimlənməsi və ödənişlər Baş idarəsinin rəis müavini Əsgər Məmmədov Lənkəranda Dövlət Gömrük Komitəsi və Medianın İnkişafı Agentliyinin birgə təşkilatçılığı keçirilən təlimdə bildirib.
Ə.Məmmədov bildirib ki, 2020-ci ilin sonuna Azərbaycanda 1 milyon 264 min 542 ədəd avtomobil olub.
Statistikaya baxsaq görərik ki, bu rəqəm 1990-cu ilin sonunda 260 min 210 ədəd təşkil edib. Əgər 1990-cu ildə ölkədə avtobusların sayı 14 min 44 ədəd olubsa, 2020-ci ilin sonuna bu rəqəm 30 min 757 ədədə çatıb.
Hazırda ölkədəki avtomobil parkındakı minik avtomobillərinin 993 365 ədədi 10 il və daha yuxarı müddətdə istifadə olunan avtomobillərdir. 220 129 ədəd minik avtomobili yaşı 5 ildən 10 ilə qədər, yalnız 51 048 ədəd isə yaşı 5 ilə qədər olan avtomobillərdir. Dövlət Gömrük Komitəsi avtomobil parkının yenilənməsi istiqamətində çox iddi işlər görür".
