Ötən il Azərbaycanda nə qədər ərazidə meşə yanğınlar olub? - Xidmət rəisindən açıqlama
"Ötən il təbiətdə 41 yanğın hadisəsi baş verib. Yanğınlar, ümumilikdə 383 hektar meşə ərazisini əhatə edib. Əvvəlki illərə baxdıqda yanğınların miqyasının dəfələrlə azaldığının şahidi oluruq. Belə ki, beş il öncə təkcə Qəbələ-Oğuz bölgəsində 3-4 min hektar meşəlik ərazidə yanğınlar qeydə alınırdı".
1news.az AZƏRTAC-a istinadən xəbər verir ki, bunu Dövlət Ekoloji Təhlükəsizlik Xidmətinin rəisi Hikmət Əlizadə deyib.
Xidmət rəisi bildirib ki, əksər hadisələrlə bağlı sənədlər toplanıb, ziyan hesablanıb və istintaq orqanlarına təqdim edilib.
“Yanğınların baş verməsinin qarşısını almaq və ya baş verdikdə qarşısını daha asan ala bilmək üçün qış aylarından başlayaraq bununla bağlı profilaktik işlər aparılır”, - deyə H.Əlizadə qeyd edib.
