Gömrükçülər nəqliyyat vasitələrində gizlədilən siqaretlər aşkar etdi

Qərb Ərazi Baş Gömrük İdarəsinin əməkdaşları tərəfindən 3 fakt üzrə tütün məmulatlarının qaçaqmalçılıq yolu ilə ölkə ərazisinə gətirilməsinin qarşısı alınıb.

DGK-nin mətbuat xidmətindən 1news.az-a verilən məlumata görə, İdarənin “Qırmızı Körpü” gömrük postunda Gürcüstandan tranzit keçməklə gələn 3 ədəd "Mercedez-Benz” markalı nəqliyyat vasitəsi saxlanılıb, avtomobillərin sürücüləri şifahi sorğu-sual olunublar.

Sorğu-sual zamanı sürücülər idarə etdikləri nəqliyyat vasitələrində gömrük nəzarətindən gizlədilən və bəyan edilməyən hər hansı predmetin olmadığını bildirsələr də, yoxlama zamanı avtomobillərin gizli saxlanc yerlərində gömrük nəzarətindən gizlədilən və bəyan olunmayan, ümumilikdə 5520 ədəd müxtəlif markalı siqaretlər aşkarlanıb.