Tərtərdə yol işçiləri minaya düşüb, xəsarət alanlar var
Bu gün Tərtər rayonunda mina partlayışı nəticəsində iki nəfər xəsarət alıb.
Azərbaycan Respublikasının Minatəmizləmə Agentliyindən (ANAMA) 1news.az-a verilən məlumata görə, partlayış minatəmizləmə əməliyyatlarının icra edilmədiyi ərazidə baş verib.
Belə ki, 1963-cü il təvəllüdlü Alışan Səfərov Şərif oğlu və 1965-ci il təvəllüdlü Faiq Səfərov İsmayıl oğlu mina partlayışı nəticəsində müxtəlif dərəcəli bədən xəsarətləri alıblar.
Zərərçəkənlər dərhal xəstəxanaya çatdırılıb və həkim nəzarətinə götürülüblər. Onların 42 saylı Yol İstismar İdarəsinin əməkdaşları olduğu müəyyən edilib.
Faktla bağlı müvafiq qurumlar tərəfindən araşdırma aparılır.
Mövzu ilə əlaqədar oxuyun:
Azərbaycan 15 ermənini verib 97 min mina xəritəsini aldı
Azərbaycana xüsusi təlim keçmiş iki minaaxtaran it gətirilib
ABŞ Azərbaycana 10 minaaxtaran it göndərib
ANAMA Yevlaxdakı partlayışla bağlı məlumat yayıb
Yevlaxda ermənilərin müharibə dövründə atdığı kasetli bomba partladı, çoban öldü
Yevlaxda partlayışın baş verdiyi ərazidə 17 ədəd kasetli bomba aşkarlanıb
