Heydər Əliyev prospektində qəza sıxlığı səbəb oldu - FOTO - YENİLƏNİB
Yol polisi Heydər Əliyev prospektində baş verən qəza barədə məlumat açıqlayıb.
1news.az xəbər verir ki, Bakı Şəhər Baş Polis İdarəsinin Dövlət Yol Polisi İdarəsinin baş inspektoru, mayor Araz Əsgərli APA-ya a açıqlamasında bildirib ki, ərazidə yol-nəqliyyat hadisəsi zamanı bir qadın dünyasını dəyişib: “Nizami Rayon Polis İdarəsinin əməkdaşları hadisə yerinə yaxınlaşıblar. İlkin istintaq hərəkətlərini aparırlar. Araşdırmanın nəticəsinə uyğun olaraq ölən şəxsin barəsində məlumat veriləcək. Yolda artıq hərəkət tənzimlənib”.
***
Saat 16:16
Hazırda Heydər Əliyev prospektində nəqliyyat vasitələrinin hərəkətində sıxlıq müşahidə olunur.
Bakı Nəqliyyat Agentliyindən 1news.az-a verilən məlumata görə, sıxlıq ağır yol nəqliyyat hadisəsi səbəbindən yaranıb.
Şəhər mərkəzi və “Koroğlu” m/st-sı istiqamətində əsas və köməkçi yollarda avtomobillərin hərəkəti çətinləşib.
Qəza ilə əlaqədar ASK Arenadan Koroğlu istiqamətində zolaqlar üzrə sürət həddi 20 km/saat azaldılıb.
