Teatr və tamaşaçı münasibətləri - “Çıxışa doğru”da MÜZAKİRƏ – VİDEO
Bu gün Azərbaycan teatrları tamaşaçı üzünə həsrətdir. Bu da artıq hamının əlində bayrağa çevrilib.
Bundan ziyan çəkən də, xeyir görən də danışır. Amma tamaşaçını teatra qaytarmağın konkret yolunu göstərən yoxdur. Hərə bunu bir cür izah edir. Bəziləri bunu camaatın maddi durumunun aşağı səviyyədə olması, bir çoxları isə səhnəyə qoyulan keyfiyyətli tamaşaların azlıq təşkil etməsi ilə əlaqələndirir. Maraqlıdır ki, bizim teatrlardan fərqli olaraq Səməd Vurğun adına Rus Dram Teatrının tamaşaları həmişə anşlaqla keçir. Və hətta tamaşaçıların bu teatrın tamaşaları üçün bir-iki həftə əvvəldən bilet sifariş etdiyinin də şahidi olmuşuq.
1news.az-ın verdiyi xəbərə görə, AzTV-nin “Çıxışa doğru” verilişində "Teatr və tamaşaçı münasibətləri" mövzusunda aparılan müzakirələr zamanı bu barədə ətraflı danışılıb. Verilişin qonaqları – İlham Rəhimli - sənətşünaslıq doktoru, professor, Gülşad Baxşıyeva - ADMİU- nun aktyor sənəti kafedrasının müdiri, professor, əməkdar artist, Ramiz Məlik - xalq artisti və Ümüd Abbas - Sumqayıt Dövlət Dram Teatrının rejissoru və Müstəqil "Cosmo" teatrının rəhbəri mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
