“Buta Airways”in Bakı-İstanbul təyyarəsinin uçuşu gecikir

"Buta Airways" aviaşirkətinin Bakı-İstanbul (Sabiha Gökçen Hava Limanı) marşrutu üzrə həyata keçiriləcək J2-9103 reysinin uçuşu təyinat məntəqəsində əlverişsiz hava şəraiti ilə əlaqədar gecikir.

1news.az-ın verdiyi xəbərə görə, bu barədə aviaşirkətin məlumatında bildirilir.

“İstanbul hava limanında güclü qar müşahidə olunur. Gecikmiş reysin sərnişinləri aviaşirkətin qaydalarına uyğun olaraq bütün zəruri vasitələrlə təmin edilirlər".