Deputat: “Özəlləşdirilmiş dövlət əmlakı təyinatı üzrə istifadə edilməlidir”

“Bu gün Gəncə şəhərinə investisiya qoymaq istəyən sahibkarlar ərazi tapa bilmirlər”.

1news.az xəbər verir ki, bunu Milli Məclisin bu gün keçirilən iclasında “Dövlət əmlakının özəlləşdirilməsi haqqında” qanuna təklif edilən dəyişikliyin müzakirə zamanı deputat Naqif Həmzə deyib.

“Bəzi fabrik, zavod və digər müəssisələr özəlləşdirilsə də, hazırda təyinatı üzrə fəaliyyət göstərmir. Bu kimi məsələlər araşdırılaraq dəyişiklik edilməlidir. Özəlləşdirilmiş dövlət əmlakı təyinatı üzrə istifadə edilməlidir. Təəssüflər olsun ki, çox vaxt buna əməl olunmur. Bəzən isə həmin ərazilərdə bina tikirlər. Belə halların qarşısı alınmalıdır".