Bakının mərkəzində geri hərəkət edən avtomobilin sürücüsünə hansı cəza veriləcək? - BDYPİ-dən AÇIQLAMA - VİDEO
Bu gün Baku.ws saytının sosial şəbəkə hesablarında Bakıda Qış Parkının yaxınlığında (Füzuli küçəsi) “Mercedes” markalı avtomobilin arxa-arxaya idarə olunması ilə bağlı bağlı görüntülər yayılıb.
Bəs görəsən həmin sürücü məsuliyyə cəlb edilib mi?
Məsələ ilə bağlı 1news.az-ın sorğusuna cavab olaraq Bakı Şəhər Baş Polis İdarəsinin Dövlət Yol Polisi İdarəsinin baş inspektoru, polis mayoru Araz Əsgərli bildirib ki, sürücü inzibati xətalar məcəlləsinin 327-ci maddəsi iki halda pozulub.
“Görüntülərdə görsənir ki, arxa-arxaya hərəkət edən nəqliyyat vasitəsinin sürücüsü inzibati xətalar məcəlləsinin 327-ci maddəsinin 1-ci bəndinə uyğun olan qayda pozuntularını edib. Bundan başqa, real görüntülərdə hərəkət axınının əksinə də hərəkət var. Onunla bağlı da inzibati xətalar məcəlləsinin 327.4 maddəsinin də tərkibi var. Həm 327.1, həm də 327.4-cü maddənin tələbləri pozulub. Bununla bağlı şəxsin hüquqi məsuliyyəti təmin olunacaq.
Qeyd edək ki, yol hərəkəti qaydaları əleyhinə olan inzibati xətalar məcəlləsinin 327.1 maddəsinə görə 40 manat cərimə, 327.4-cü maddəsinin tələblərinə əsasən isə 100 manat və 4 bal cərimə nəzərdə tutulur. İki inzibati xəta olarsa, onlardan ən yüksək cəriməsi olan seçilir.
