Vətəndaşlar hansı qurumlarun Çağrı Mərkəzindən narazıdır? - “Çıxışa doğru”da MÜZAKİRƏ - VİDEO
Daxil olan hər bir müraciətin edildiyi telefon nömrəsi, müraciətin cavablandırılması prosesi avtomatik qeydə alınır. Bununla da müvafiq hallarda bu və ya digər şəxsin müraciətinin qanunvericiliyin tələblərinə uyğun səviyyədə cavablandırılmasının bir daha nəzərdən keçirilməsinə, habelə lazımi hallarda əks əlaqə yaradılmasına imkan yaranır.
Zəng daxil olduğu və konkret məsələ ilə bağlı müvafiq rəqəm yığıldığı, lakin müraciət edilmədiyi hallarda da əks əlaqə yaradılaraq hər hansı müraciətin olub-olmadığı araşdırılır.
“Çağrı mərkəzi”nin proqram təminatı ayrı-ayrı qurumların informasiya ehtiyatlarına inteqrasiya olunub. Bununla da hər hansı şəxs bu və ya digər məsələ ilə əlaqədar müraciətində təqdim etdiyi fərdi məlumatların düzgünlüyünün yoxlanılması və onun qaldırdığı məsələnin ətraflı araşdırılması üçün aidiyyəti qurumların informasiya ehtiyatlarındakı məlumatlardan istifadə olunur.
1news.az-ın verdiyi xəbərə görə, AzTV-nin “Çıxışa doğru” verilişində "Vətəndaşlar hansı qurumlarun Çağrı Mərkəzindən narazıdır?" mövzusunda aparılan müzakirələr zamanı bu barədə ətraflı danışılıb. Verilişin qonaqları – media hüququ üzrə ekspert Ələsgər Məmmədli, filologiya elmləri doktoru, professor, əməkdar jurnalist Qulu Məhərrəmli, PR və kommunikasiya üzrə mütəxəssis Azər Nəzərov və Azərbaycan İnternet Forumunun prezidenti Osman Gunduz mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
